Gibutyag ni Hall of Fame trainer Freddie Roach nga padayon si Filipino boxing icon Manny Pacquiao sa iyang intensyon nga makigaway sa labing maayong boksidor nga puwede niyang kontrahon bisan sa mas taas nga timbang.
Matod ni Roach, kinsa dugay sab nga naggiya sa Pambansang Kamao ng Pilipinas una naputol ang ilang panaghilambigit, nga andam si Pacquiao nga mosaka sa middlweight division (160 lbs) aron makigharong kang Gennady Golovkin.
Apan supak si Roach ning maong ideya ug gusto niyang magpabilin na lang ang bugtong 8-division world champion sa kalibutan sa welterweight division (147 lbs) diin mao kini ang kasamtangang hari sa World Boxing Association (WBA).
Ning maong timbang, interesado nga makig-away kang Pacquiao alang sa unifi cation fi ght sila si World Boxing Organization (WBO) champion Terence Crawford ug Errol Spence Jr., kinsa maoy tagiya sa mga korona sa World Boxing Council (WBC) ug International Boxing Federation (IBF).
“There are always good fi ghts out there, The one thing about Manny is he doesn’t want to beat anybody he wants to beat the best out there, he wants to fi ght the top guys,” matod ni Roach sa interbyu sa DAZN nga napatik sa www.boxingscene.com.
“Mikey Garcia has called him out a couple of times, I think that’s a good fi ght for him, of course. Robert Garcia called him out on one of your shows, that made me smile because I like that fi ght for Manny, I think it’s a great fi ght.”
Apan giklaro ni Roach nga wala'y sama ang kaisog ni Pacquiao ug wala kini nagpanagana sa pagpadayag og intensyon nga makig-away kang Golovkin, kinsa usa sa labing maayong boksidor sa 160 lbs.
“But the thing is Manny maybe might want to go a little higher and fight GGG or one of those guys who is supposed to be one of the best in the world today. Pacquiao still desires to be the best there is,” dugang ni Roach.
Si Pacquiao nagsugod sa iyang karera sa light fl yweight (108) ug hinayhinay kining nisaka og timbang sa iyang pagpanghakot og world titles.
“I would not advise him to go 160 lbs., that would be a little crazy,” batbat ni Roach.
“He can make 140 lbs. pretty easy, he can actually make 135 lbs. but that’s a little bit more eff ort.” / ESL