Dear Noy Kulas,
Tagoa lang ko sa ngalan nga Gem. Ang akong problema, Noy Kulas, kay mahitungod aning among trabaho.
Naa ko nagtrabaho sa usa ka dakong kompaniya sa Sugbo.
Pagsugod man gud sa quarantine, among gidala ang PC unit sa among balay kay work from home lagi tungod sa quarantine. Unya karon, Noy Kulas, pag-abot og two weeks kapin, di na man mo-on ang monitor. Nikalit ra bitaw og palyar. Nisulti ang akong mga kauban nga makabayad daw ko. Makabayad diay ko ana, Noy, nga nikalit ra man og di na mosiga? Nakuyawan ko kay basin sa tinuod pabayron ko sa management. Please tambagi ko.
GEM
Gem,
Nganong pabayron ka man sa kompaniya sa pagpalyar sa imong gamit nga wa man nimo na gamita sa personal? Imo man nang gigamit sa trabaho. Natural ra man na sa ekipo nga mopalyar kon duna nay usa ka part nga naguba o wa na mo-function. Bisan gani ang bag-o nga equipment duna may kahigayunan nga mopalyar o maguba. Mao nang dunay mga panahon nga masulod sa warranty, basta ang pagkaguba natural lang, ilisan ni sa nagtinda ug nagggama.
Ayaw kahadlok sa pagkaguba sa imong monitor. I-communicate ni sa inyong human resource department aron mailisan na og bag-o. Ayaw kahadlok sa pagkaguba niana kay di man ka pabayron kay wa man nimo na patakai og gamit. Gawas kon natandugan nimo unya nahulog kay nahubog ka or nagdanggag, naay possibility nga patubagon ka but angay pang determinahon kon pabayron o di. Maayo lang unta kon wa nimo na gamita sa mga games unya nagbinuntagay kay posibleng maigo ka. Ma-trace man na sa inyong IT expert kon gilab-anan nimog gamit ang PC mao nadaut.
NOY KULAS
rojval69@yahoo.com ug kulassuper@sunstar.com.ph