Usa ka briefing ang gidumala sa Cebu City Government ug Department of Health nga gitambongan sa mga barangay kapitan ug sakop sa Mayor’s Information and Liaison Office (Milo) nga gipahigayon, sa social hall sa Metro Cebu Water District (MCWD), kagahapon, Hunyo 5.
Kini maoy paghulagway ni City Administrator Floro Casas Jr., human adunay video nga nigawas sa social media nga naghulagway nga usa ka birth
day celebration ang nahitabo.
“Mayor Edgar Labella, DOH Regional Director Jaime Bernadas, Cebu City government officials, Barangay officials met earlier today to discuss issues regarding Cebu City’s transition from ECQ to GCQ and hopefully to MGCQ,” padayag ni Casas sa iyang Facebook post.
Atol sa maong tigum gitubag nila ni Mayor Labella ug Dr. Bernadas ang mga pangutana nga gipaabot sa mga nitambong sa maong panagtapok ilabi na sa hisgutanan sa paglibkas sa lockdown ngadto sa mga sityo, lakip na ang kadtong i-release nga mga pasyente sa Barangay Isolation Centers lakip na ang food assistance alang sa mga residente sa dakbayan.
Si Casas adunay awhag ngadto sa mga kritiko sa kasamtangang administrasyon.
“Sa mga detractors, sige kamo na lang meeting sunod ha, kami na lang tambay sa balay and manaway ninyo. Peace!” matod ni Casas sa iyang Facebook post.
Pagdayon og tapos sa briefing, ang mga barangay official, City Hall official uban ni Labella ug Bernadas naniudto ilabi na nga natapos ang meeting sa tingpaniudto. / PAC