Mokabat sa 7.3 million ka mga Pinoy ang nangawagtangan sa ilang mga trabaho.
Nisaka usab og maayo ang unemployment rate sa Abril 2020 samtang ang ekonomiya miungot tungod sa lockdown aron di makakatap ang novel coronavirus.
Matod sa Philippine Statistics Authority (PSA), sa usa ka pamahayag sa Biyernes, Hunyo 5, niingon nga ang rate sa mga way trabaho sa Abril gipilo og sobra sa katulo itandi sa 5.3 porsyento sa Enero 2020 ug 5.1 porsyento sa 2019.
Ning pagsaka usab sa unemployment rate, ang employment rate usab nitibugsok ngadto sa 82.3 porsyento sa Abril.
Kini nagpasabot nga duna lay 33.8 million ka mga Pinoy ang nagtrabaho sa Abril 2020 itandi sa 41.8 million sa Abril 2019.
anang mga rehiyon nitaho og double-digit rates. Ang labing taas naa sa Bangsamoro Autonomous Region in Muslim Mindanao (BARRM) nga naa sa 29.8 percent, gisundan sa Central Luzon nga naay 27.3 porsyento ug Cordillera Administrative Region (CAR) nga dunay 25.3 percent.
Ang gidaghanon usab sa mga tawo nga dunay trabaho apan wa sa trabahoan naa sa 38.4 porsyento kun 13 million sa kinatibuk-ang dunay trabaho.
Matod usab sa PSA nga ang average nga katas-on sa pagtrabaho matag semana niminos ngadto sa 35 sa Abril 2020 gikan sa 41.8 oras matag semana sa Abril 2019.
Si Presidente Rodrigo Duterte nipailawom sa tibuok Luzon ubos sa enhanced community quarantine (ECQ) sa Marso 17, 2020.
Daghan sa local government units nisunod ug nipatuman og kaugalingong quarantines.
Ubos sa ECQ, ang pampublikong mga sakyanan gisuspenso, non-essential nga mga negusyo gisirhan ug ang katawhan, gawas sa frontliners, essential workers ug kadtong mamalit og essential goods ug services, gipapuyo ra sa balay.
Niadtong Hunyo 1, gilugakan sa kagamhanan ngadto sa general community quarantine (GCQ) ug modified general community quarantine (MGCQ).
Tumong niini aron inanay nang makabukas ang mga negusyong nanira sud sa duha ka mga buwan kapin. Dunay ubang negusyo nga permenanteng nanira samrtang dunay temporaryo lang. / MVI, REV, SUNSTAR PHILIPPINES