ANG “Love Lockdown” usa ka digital movie nga makita sa iWant nga gi-shoot sa mga balay sa mga bida sa maong lilas.
Pito ka kinabuhi nga dunay koneksyon sa gugma, betrayal ug obsession. Kon unsay hinungdan ug ngano mao kini atong nuntan sa iWant original movie sa Dreamscape production.
Silang Angelica Panganiban, JM de Guzman, Jake Cuenca, Tony Labrusca, Arjo Atayde, Sue Ramirez ug Kylie Versoza ang mga bida dinhi.
Ang theme song gikanta ni Sam Milby nga “Last Goodnight,” ay’g saba!
Daghang kausaban ang nahitabo karon bisan sa mga showbiz personality. Kinahanglan nga magmabinantayon ang tanan samtang wala pa ang bakuna sa corona virus.
Sama ni Piolo Pascual nga naka-lockdown sa ilang farm kauban ang iyang inahan. Isip film producer sa nabantog nga Spring films tanan niyang proyekto nahunong karon. Dako ang gasto mao nga ang resulta kinahanglan silang mag-cost cutting tungod lagi ning pandemic.
Kon hangtud kanus-a, ang panahon na lang gyud atong agdon, ay’g saba!
Si Alexa Ilacad nag-upload og Tiktok sa iyang Instagram. Siya ang nidala isip batan-ong Bea Alonzo nga si Bobbie sa upcoming movie nga prequel sa “Four Sisters and A Wedding” sa Star Cinema.
Ang setting napulo ka tuig sa wala pa ang kasal ug ang titulo na unya ani “Four Sisters Before The Wedding.”
Makauban ni Alexa kon walay mga kausaban mao silang Charlie Dizon sa papel ni Toni Gonzaga, Gillian Vicencio ang modala sa batan-ong Angel Locsin ug isip Shaina Magdayao si Belle Mariano.
Kini ubos sa direksyon ni Giselle Andres, ang nagpaluyo sa pelikulang “Loving in Tandem” ug “I Love You Haters”, ayg saba!