SUPERBALITA CEBU

Drug pushers nasikop; P500K shabu nasakmit sa PDEA 7, pulis

NADAKPAN: Sila si Gino Señires ug Dithier Gonzaga naghukdong samtang nag-record ang mga anti-drug agent sa ilang nakuha nga shabu gikan sa duha. (Benjie B. Talisic)

DUHA ka gikatahapang mga drug pusher nasikop sa buy-bust sud sa compound sa simbahan sa Barangay Guadalupe, Dakbayan sa Sugbo sa Biyernes sa hapon, Hunyo 5, 2020.

Sila si Gino Señires, 20, ug Dithier Gonzaga, 18, taga Oppra, Barangay Kalunasan ning siyudad, nasikop sa mga sakop sa Philippine Drug Enforcement Agency (PDEA) 7 ug Guadalupe police human nakig-transcact sa poseur buyer.

Matod ni IA 1 Jessie Cabutotan, nangu sa operasyon, nga si Senires mismo namugos nga adto lang sulod sa compound sa simbahan sa Guadalupe sila mag-abot sa posuer buyer.

Rason ni Senires nga aron way magduda nga drugas ang ilang dala. Wa sila makahibawo nga mga ahente na diay sa PDEA 7 ang ilang gikasabot.

Nakuha gikan sa duha ang 100 gramos nga shabu nga dunay balor nga kapin sa P500,000. Dugang ni Cabutotan nga si Señires ang ilang target samtang si Gonzaga kauban ra.

Iyang gihulagway si Señirez nga high value target. Matod ni Leia Alcantara, tigpamaba sa PDEA 7 nga si Señirez gimonitor sulod sa usa ka semana.

Nasuta nga maka deliver duha ka kilo sa shabu ngadto sa ilang mga suki matag buwan.

Samtang ang duha nihimakak nga ila kadtong shabu nga nasakmit kay sinugo ra sila. (BBT)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph