GIKUMPIRMAR ni Dr. Adriano Suba-an, ang Regional Director sa Department of Health (DOH) Region 10 niadtong Hunyo 5 atol sa press briefing sa Regional Inter-Agency Task Force for Covid 19.
Ang Northern Mindanao adunay natala nga upat ka mga health workers nga nagpositibo sa Covid 19.
Isip sab tubag sa usa sa ilang frontliners nga infected sa Covid -19 ug anaa sa critical nga condition sa Northern Mindanao Medical Center (NMMC), ang DOH-10 nagtunol og P100,000 ngadto sa pamilya isip suporta ug repatriation sa serbisyo.
Ang maong mga nagpositibo nga health worker kabahin na sa 33 ka nagpabilin nga kaso sa Covid-19 sa rehiyon as of June 5, 2020.
Sa maong gidaghanon 14 niini na ang nakarekober, walo ang nakabsan sa kinabuhi, upat ang kasamtangan nga giadmit ug adunay pito ang recovering ug out patients.
Nihatag sab si Dr. Subaan og updates kalabot sa Critical Care Utilization Rate sa rehiyon kon diin sa pagkakaron adunay 7.9 percent utilized isolation beds, 15.8 percent utilized mechanical ventilators, 7.2 percent beds for severe cases, 7.9 percent beds for critical cases, 14.3 percent ICU beds, ug 3.3 percent utilized Covid-19 wards.