KINAHANGLAN hatagan og kagawasan ang tanang jeepney ug bus drivers ug operators nga makapamasada ubos sa general community quarantine (GCQ) aron makubsan ang kapit-os.
Sumala sa usa ka senador nga kinahanglan makapamasada ang tanang drayber basta lamang ipatuman ang social distancing ug mosunod sa health guidelines.
“It is in the best interest of the commuting public and the transport sector alike if jeeps and buses soon resume operations provided they follow social distancing and other health guidelines”, ingon ni Sen. Risa Hontiveros.
Nabutyag kini human giingon sa Malakanyang nga limitado lang una ang gidaghanon sa mga mopasada ubos niining ikaduhang semana sa GCQ, labi na sa Metro Manila.
"Hindi lang dapat para sa mga may sasakyan ang kalsada natin. Kung may social distancing naman, bakit hindi payagan na ang mga jeep at bus?” It is in the best interest of the commuting public and the transport sector alike if jeeps and buses soon resume operations provided they follow social distancing and other health guidelines”, dugang sa senadora.
Dugang pa, “marami na tayong halimbawa sa iba't ibang siyudad kung paano ang dapat na social distancing sa loob ng jeep at bus. Mas walang social distancing at health protections sa iilang truck at utility van ng pamahalaan na nagpapasakay sa mga tao ngayon.”
Sa Davao Region, diha’y mga bus nga tag-usa lang ang biyahe, buot-ingnon limitado gyud. Ang resulta, unang adlaw sa biyahe niadtong Hunyo 1, nagsalimoang ang Davao City Overland Transport Terminal (DCOTT) sa Ecoland.
Maayo sa dyip kay 90 porsiyento nakabiyahe naman, pero sa ubang mga lugar, napugngan ang katungod sa ubang mga drayber sa pagpamasada, misamot ang kapit-os sa kinabuhi.
Kini seguro ang butang nga wa gyud nakita sa gobyerno, labi na sa Department of Transportation (DOTr). Hatagan gyud unta og kagawasan ang tanang mga drayber nga makapamasada. Kabalo na bitaw na sila sa pagpatuman sa health guidelines, ug ang mga tawo, nasayod na sab niini subay sa nakat-onan sa ECQ.
"Sinayang ng Department of Transportation ang mahigit dalawang buwang quarantine. Dapat may guidelines na ngayon. I am sure drivers, operators and commuters themselves are willing to comply with all guidelines,” dugang sa senadora.
Kon naningkamot kita nga malikayan ang Covid-19, mas nisamot hinuon nga napaduol kita sa virus kay dili malikayan nga sa ubang mga terminal, nagtinukluray na ang mga pasahero kay naglumbaanay nga makasakay sa bus, kay lagi, usa lang ka trip--limitado ang gidaghanon sa biyahe.
Mahunahunaan unta kini sa gobyerno nga senaryo.