SUPERBALITA CEBU

PRO 7: Dugang kaso batok sa 1 sa 8 ka aktibista

NAPASAKA na ang kaso niadtong Sabado, Hunyo 6, batok sa walo ka mga sakop sa militanteng pundok nga nag-rally atubangan sa University of the Philippines in the Visayas (UP) Cebu College niadtong Biyernes, HUnyo 5.

Apan gitun-an na usab sa Police Regional Office (PRO) 7 ang pagpasaka og kaso sa laing kauban niini nga giingong mipatid sa usa ka pulis atol sa ginukdanay.

Matod ni Police Brigadier General Albert Ignatius Ferro, hepe sa kapulisan sa Central Visayas, aduna silay video nga magpakita sa pagpatid sa usa ka raliyesta sa iyang personnel.

Sa maong video, nagpakita matod pa, natumba na ang police apan adunay usa ka lalake nga nakasul-ob og itom nga t-shirt ang nagdagan paingon sa pulis nga natumba ug dayong patid niini tumong sa ulo.

Gitahasan karon ni General Ferro ang Cebu City Police Office pag-ila kinsa ang maong lalake alang na sa pagpasakag kaso.

“We just have to identify that protester nga nag-inflect ng bodily harm sa atong police because if you kick a person while he is already down it’s a grave threat to the life of the law enforcer meaning naka down na tapos sipaon pa nimo sa ulo its dangerous may might killed or trauma in the head is very dangerous,” sigon ni Ferro.

Ang maong video naa na sa kustodiya sa PRO 7 nga maoy gamiton nila nga ebidensya sa pagpasaka og kaso.

Gitug-an usab ni Ferro nga ang duha sa walo nga nadakpan sa UP nagpuyo sa Barangay Mambaling ug sa Tres de Abril, Barangay Labangon nga pulos gipaubos sa hard lockdown tungod sa kataas sa kaso sa Coronavirus sa maong mga dapit.

Ang maong mga suspek mao silang Janry Diocson Ubal, 29 nga taga Ipil-ipil Barangay Mambaling ug Clement Ventic Corominos Jr, 19 nga taga Victor Village, Tres de Abril, Barangay Labangon, dakbayan sa Sugbo.

Mimandog imbestigasyon si Ferro nganong nakagawas sa maong mga barangay ang duha ug malampuson nga nisalmot sa rally sa UP.

“We are wondering why these persons were able to go out from that particular place despite the restriction implemented in that area. Talagang they have the intention to violate the law so we are conducting further investigation,” dugang ni Ferro.

Sa talaan sa PRO 7, miabot nag dul-an sa 700 ang nataptan sa Covid-19 sa Barangay Mambaling samtang sa Barangay Labangon adunay kapin sa 150 nga maoy hinungdan nga giila ang maong dapit nga critical area.

Bisan pa man nga wala masiguro kon usa kanila ang courier sa Covid-19, apan matod sa heneral nga naghatag kinig ka risgo sa mga tawo nga misalmot sa maong lihok protesta.

Giklaro usab sa PRO 7 director nga wala silay pagsupak sa mga lihok protesta sa mga militanteng pundok tungod kay ila kining katungod apan ning panahon sa pandemic dili pa angayan nga maghimo og tapuktapok.

Andam usab nga atubangon sa kapulisan ang imbestigasyon sa Commission on Human Rights (CHR) 7 nga una nang mibutyag nga mosusi sila sa maong insidente duol sa UP Cebu. (AYB)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!