Ferro milahugay sa kapulisan sa rehiyon

CEBU. Police Brigadier General Albert Ignatius Ferro. (SunStar FIle)
CEBU. Police Brigadier General Albert Ignatius Ferro. (SunStar FIle)

MIHIMOG gamay nga lahugay si Police Brigadier General Albert Ignatius Ferro sa mga opisyal sa Police Regional Office (PRO)-Central Visayas.

Kasamtangan nga gibutang isip officer-in-charge sa Cebu City Police Office si Police Colonel Cydric Earl Tamayo gikan sa Regional Personnel and Records Management Division samtang naka sick leave pa si Police Colonel Josefino Ligan kay over fatigued.

Lakip sa naapektohan mao si Police Lieutenant Colonel Marlu Conag sa Cebu Police Provincial Office (CPPO) gibalhin sa Bohol Provincial Police Office (BPPO).

Si Police Lieutenant Colonel Mark Gifter Sucalit, hepe sa City Intelligence Branch (CIB) sa Dakbayan sa Lapu-Lapu, gibalhin sa Negros Oriental Provincial Police Office (NOPPO).

Samtang si Police Lieutenant Colonel Randy Korret, hepe sa City Mobile Force Company sa CCPO, gibalik sa kapulisan sa probinsya sa Sugbo.

Matod ni Ferro nga kasagaran sa iyang gipangbalhin sa laing probinsya mao kadtong misobra na sa duha ka tuig sa ilang posisyon.

“It’s a routine re-assignment. Kasi naa may mga officers nga two years na kapin sa ilang assignment. So, we will be changing. That’s the normal procedure,” matod ni Ferro.

Gipasabot usab ni Ferro nga ang pagbalhin sa mga personnel sa laing lugar di makaapekto sa gipatuman nga siguridad ning panahon sa general community quarantine (GCQ).

Kasamtangan usab nga nilingkod isip regional chief directorial staff si Police Colonel Audie Villacin human gibalhin sa Aviation Security Group si Police Colonel Limuel Obon.

Aduna usay himuon nga lahugay si Ferro sa mga siyudad sa Negros Oriental sa mosunod nga mga adlaw. (AYB)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph