NAGKADAIYANG samad tinigbasan naangkon sa usa ka 20 anyos nga babaye human gitigbas sa wala mailang suspetsado niadtong Hunyo 6, 2020 mga alas 6:30 sa gabii sa Purok-4, Sitio Palasongan, Barangay Sagundanon, Kitaotao, Bukidnon.
Ang biktima giilang si Marilyn Manchate, minyo, residente sa dapit.
Sa inisyal nga imbestigasyon sa Kitaotao Police Station sa pagpanguna ni Police Captain Jose Regner M. Sevilleno, nasayran nga igo na lamang nadawat sa kapulisan ang report kalabot sa pagpanigbas nga natigayon.
Ang polis nga nadestino sa Quarantine checkpoints sa Cabalantian nga mao si Police Senior Sergeant Xedrick Parado uban ang personahe sa 2nd PMFC, 19th Infantry Battalion, 27th Infantry Battalion ug barangay officials ang miadto sa lugar.
Nasuta nga ang bana niini mga alas 10:00 sa buntag niadtong adlawa ang nilakaw sa puloy-anan aron giingong mangita og pagkaon.
Apan daw sa pagpauli niini giingong nadiskubre niini nga wala nay kinabuhi iyang asawa. Adunay samad tinigbasan sa liog ug pribadong parte sa lawas niini nga maoy hinungdan sa kamatayon sa biktima.
Giimbestigahan pa karon sa kapulisan kung kinsay responsable sa krimen.
Lakip niini ang mikatap sa social media nga post sa ig-agaw sa biktima nga daw posibleng suspek ang ang giingong bana sa biktima.