Martin: Hinugtanay gyud ron sa bakus

DILI ikalimod nga daghan ang apektado karon ning grabeng krisis nga niigo dili lang sa atong nasud kundi sa kalibutan.

Daghan ang nakulban og kaldero, daghang kompanya ang nanirado ug ubay-ubay gyud ang nakabsan sa kinabuhi.

Ang pinakauwahi ang atong higalang barangay kapitan sa Pardo nga si Manolita “Litang” Abarquez nga nipanaw sa edad nga 63 niadtong Dominggo.

Nagkaila mi ni Boss Litang dihang niapil pa ang iyang anak nga si Apple Abarquez sa Pinoy Dream Academy sa ABS-CBN niadtong 2008.

Mao ni silay tag-iya sa sikat nga Litang’s Barbecue sa Pardo. Akong kinasingkasing nga mga pahasubo sa banayng Abarquez.

Mga pangaliya sa malinawon nga kapahulayan sa kalag sa buotang higala sa tanan nga si Kapitan Litang.

APROBAHAN NA

Naa koy nadunggan nga sigurado kunong maaprobahan ang bag-ong prangkisa sa ABS-CBN apan duna lay bag-ong provisions nga mapuno.

Mao tingali sa hearing balikbalik ang mga pangutana aron lang gyud tingali malangay ba kay kahibawo na sila nga daghan sa Kongreso ang mobotar pabor sa renewal.

Kining Kapamilya Channel nga magsugod sa Hunyo 13 sa Cable TV temporary ra. Kay mas daghan man gyud ganahan motan-aw sa libre. Tingali pinakasayo nga makabalik ang ABS-CBN sa Agusto na.

DAGHANG POSITIVE

Imbes nag-GCQ na unta, nagkadaghan na hinuon ang nag-positive sa Covid.

Ako mahadlok na ko mogawas sa balay kay di na gyud luwas. Kinsa may di mahadlok nga duna na may namatay dire sa among lungsod tungod sa Covid.

Niadtong Dominggo duna na say laing nag-positive nga unahan ra sa among barangay.

Daghan sa mga lugar niadto nga Covid-free karon puros na dunay positive uy.

Estrikto kaayo sila sa motor backriding pero wa sila maghunahuna nga mas risgo pa nang tugotan ang mga frontliner sa siyudad nga expose kaayo sa virus nga makapauli kada adlaw sa ilang tagsa-tagsa ka mga munisipalidad.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph