ADUNAY 127 ka mga bag-ong kaso sa coronavirus disease (Covid-19) ang dakbayan sa Sugbo, Hunyo 8, 2020.
Kini base sa labing uwahing gipagawas nga numero sa Cebu City Health Department, diin 56 usab ka mga individual ang hingpit nga naayo sa mananakod kaayong sakit.
Ang mga bag-ong kaso gikan sa Barangay Apas (3); Bacayan (1); Busay (2); Pardo (2); Basak San Nicolas (7); Bo Luz (1); Buhisan (2); Bulacao (3); Busay (2); Calamba (2); Camputhaw (6); Capitol (2); Carreta (1); Cogon Ramos (1); Duljo (7), Guadalupe (2); Inayawan (1); Kalubihan (1); Kasambagan (1); Kalunasan (1); Kinasang-an (1); Labangon (5); Lahug (5); Lorega (1); Mabolo (5); Mambaling (1); Pahina Central (4); Pardo (1); Pasil (3); Punta Princesa (7); Quiot (4); Sambag 1 (4); Sambag 2 (6); San Antonio (1); San Nicolas Central (3); San Roque (1); Sawang Calero (1); Sto Nino (1); Suba (1); T. Padilla (5); Talamban (1); Tejero (7); Tinago (6); Tisa (5) ug usa nga unverified.
Gumikan niini, niabot na og 2,883 ka mga kaso sa Covid ang natala sa dakbayan.
Apan ang maayong balita kay sa mao nga mga kaso, 1,627 ang tanang nangaayo.
Sagad kanila pulos nagpaalim sa mga barangay isolation centers (BIC) kay mga asymptomatic kun way simtomas.
Si Mayor Edgardo Labella miawhag sa katawhan sa di pagkompyansa, magpabilin sa balay kon way importanteng tuyo.