DAVAO DE ORO -- Naputol ang ulo sa usa ka ulitawo nga gitigbas sa iyang nakabangi didto sa Purok Mangga, Barangay Tupas, Maragusan.
Ang biktima giila nga si Fernando Pantunia Lapinid, 26 anyos, mag-uuma ug molupyo sa Barangay Talian.
Base sa inisyal nga imbestigasyon, alas 12:00 sa tungang gabii, Hunyo 8, 2020, nakalalis sa biktima ang suspek nga nailhang si Botchoy Saromines, hamtong ug molupyo sa maong dapit.
Nasayran nga taliwa sa lalis, gitigbas sa suspek ang biktima gamit ang mahait nga hinagiban diin naigo kini sa nagkadaiyang parte sa lawas ug naputol ang ulo.
Human sa gihimong krimen, ang suspek naglakaw nga mipalayo paingon sa wala masayri nga direksyon.
Ning kasamtangan, ang patay nga lawas sa biktima gipahiluna na sa St. Thomas Funeral Homes sa maong lungsod. (Dexter T. Visitacion)