SUPERBALITA CEBU

Porlon nga gi-park gawas sa simbahan gialarma

PORLON nga gi-park sa atubangan sa San Nicolas de Tolentino Parish sa Barangay San Nicolas, Siyudad sa Sugbo gialarma sa kapulisan niadtong Martes, Hunyo 9.

Ang gibuhat sa mga sakay sa porlon nakapahadlok sa mga tawo sa duol.

Nasayran sa Superbalita Cebu nga ang personnel sa simbahan maoy nangayo og police assistance tungod sa pagpundo sa porlon sa gawas sa simbahan.

Nasuta adunay karga nga patay ang maong porlon ug napaabot nga moabli ang simbahan aron mapabendisyonan ang lawas nga ilang gikarga sa di pa ilubong sa Calamba cemetery.

Ang drayber sa porlon, (nagdumili sa pagpahingalan) nagkanayon nga usa ka 56 anyos nga lalake ang namatay,taga-lungsod sa Liloan.

Ang lalake namatay sa sakit sa kasingkasing, di sa coronavirus disease (Covid-19).

Gikan sa ala 1 sa kaadlawon sa Martes, nagparada na ang porlon kay nagpa-abot sa alas 9 sa buntag nga maoy ting-abli sa simbahan.

Tungod kay wa silay laing mahuna-hunaan kon asa magpundo, hinungdan nga didto sila nagpaabot sa atubangan sa San Nicolas parish church.

Apan ang simbahan mihangyo nga kon mahimo, di magpundo sa gawas, inay ibutang sa makadiyot ang patay sa hingtungdan nga punerarya aron dili makamugna og kabalaka sa mga tawo. (BBT)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!