Gikatakdang mag-atubang og im bestigas yon ang upat ka mga kawani sa LapuLapu City Hall nga nakuhaan og hulagway nga nag-ang kasay sa usa ka motorsiklo.
Mao kini ang gibutyag ni Atty. James Say son, officerin-charge (OIC) sa Lapu-Lapu City Legal Office (CLO).
Ang hulagway sa upat nag-viral sa social media.
Ang “no backride policy” padayong gipatuman nu not sa padayong pagpaubos sa dakbayan sa general community quarantine (GCQ).
Matod ni Sayson, ang upat iya nang nailhan ug gipatawag aron pangayoan sa ilang inisyal nga pamahayag sa insidente.
Wala lang una gibutyag ni Sayson asa nga departamento ang upat ka mga kawani.
Gikatakda nga karon, Hun yo 11, pormal na niyang ipadala ang notisya ngadto sa upat aron mapasabot sa insidente.
Sumala ni Sayson nga base sa iyang inisyal nga pagpangutana sa upat, giingong gikan sila nga nag apud-apod og bugas sa usa sa mga barangay sa dakbayan dihang atol sa ilang pagpamauli giingong wala silay kasakyan.
Nagdali usab, sumala pa, ang upat aron madali nila og apud-apod ang mga bugas sa kabarangayan.
Dinhi nakadesider ang upat sa pag angkasay sa duha ka motorsiklo.
Nagsul-ob ang upat og helmet apan nakauniporme sa kawani sa city hall.
Pagpasabot ni Sayson nga ang ilang pagpahigayon og pakisusi sa pag-backride pagpakita sa publiko nga ang no backride policy sa pagkakaron alang sa tanan ug dili exempted ang kawani sa gobiyerno.
Samot na ang mga kawani sa dakbayan.
“Though niari sila ug voluntarily admitted nga sila ang naa sa picture nangayo sila og dispensa. Pero ato sila gipasabot nga bisa’g nangayo sila og dispensa wala nagpasabot nga dili magpadayon atong formal investigation. Ako silang gipasabot nga manubag gyud sila ani. Dapat fair lang ug di magpa-backride sa general public unya madak pan nato sila ato man pahamtangan og silot, so same sa inyoha,” matod ni Sayson.
Dili pa makasulti si Sayson unsa ang posibleng silot sa upat kon masuta nga sad-an inig kahuman sa pormal nga pakisusi.
“Posible (suspenso) di lang ko manguna sad pero kana pwedi reprimand, pwedi suspenso, depende sa gravity pero niangkon man sad sila so ato pud na i-take into account nga sila mismo niangkon sila nga sad-an sila,” matod ni Sayson.
Samtang, ang polisiya nga temporaryong way angkas sa motorsiklo dili lang sa LapuLapu apan, usa kini ka nasudnong kamandoan nga kasamtangang epektibo nunot sa pagpatuman sa kuwarentina batok sa Covid-19 mga hugot nagpatuman sa social distancing. / GCM