Sa pagsanta sa bayolenteng aksiyon sa mga pasyente sa Covid-19 sulod sa isolation facilities ug mga ospital, ang Police Regional Office (PRO) 7 makig-alayon sa mga tambalanan sa Metro Cebu.
Kini human nga dunay usa ka pasyente sa Covid-19 sa Vicente Sotto Memorial Medical Center (VSMMC) nga naghikog pinaagi sa pag-ambak sa bintana tungod sa grabe nga depresyon.
Si Police Brigadier General Albert Ignatius Ferro, direktor sa PRO 7, niingon nga bisan dili kini trabaho sa pulis apan tabang nila kini sa frontliners sa ospital o ubang pasilidad.
Matod niya nga kinahanglan usab nga kanunay nga pa sabton ang mga pasyente nga ang maong matang sa virus dili angayan nga kahadlokan tungod kay ang gobyerno motabang kanila nga maayo sila sa sakit.
Gipahibawo ni Ferro nga mao usab kini ang iyang gihimo sa 57 ka mga pulis nga nagpositibo sa Covid-19 diin matag-karon-ug-unya na kighi nabi siya niini pinaagi sa online aron ipahibawo nga ang kadagkoan sa kapu lisan dili mobiya kanila aron madasig usab sila bisan sa ilang kahimtang.
Nadugangan na usab ang naayo sa mga pulis nga nag positibo diin miabot na kini sa 21 human nagnegatibo na sila sa ikaduhang swab test.
Apan, matod ni Ferro, nga magpaabot pa sila sa Department of Health (DOH) kung tugotan na ba sila nga makapauli sa ilang panimay human gipanglain sulod sa 28 ka adlaw. / AYB