SUPERBALITA CEBU

500K ka tinun-an way internet

Kon ipatuman sa Department of Education (DepEd) sa Lalawigan sa Sugbo ang pagtudlo pinaagi sa online, pipila lang ka mga tinunan sa elementarya ang makapahimus niini.

Sa kinatibuk-an nga 537,487 ka mga elementary students sa Probinsya sa Sugbo, 92,920 lang o 17.29 percente ang adunay internet connection.

Ang 82.71 porsyento niini wa nay access sa internet. Mao kini ang gibutyag ni Dr. Leah Apao, assistant schools division superintendent sa Probinsya sa Sugbo.

Si Apao niingon nga mas taas ang gidaghanon sa mga estudyanten nga maglisod sa pagtuon kon mahinayon ang bag-ong mga pamaagi.

Kini sama sa pagpaagi sa internet gamit ang personal computer, laptop, cell phone ug tablet.

Duna say laraw ang DepEd nga ipaagi kini sa radyo ug telebisyon. Apan si Gobernador Gwendolyn Garcia mapanagan-on kon epektibo ba kini itandi sa atubangay nga pagtudlo.

Buot niyang masusi ug matun-an pag-ayo kining mao nga pamaagi. / ANV


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!