GIBUTYAG ni Maja Salvador nga busy siya karon sa pagpangandam sa umaabot nga projects.
Kabahin sa iyang pagpangandam mao ang pagpahiyos sa obvious nga nanambok nga lawas.
Aminado si Maja nga dako-dako gayud ang nadugang sa iyang timbang.
Apan giklaro ni Maja nga tinuyo gayud ang iyang pagpatambok tungod sa kanhing role sa "Nagsimula sa Puso" diin usa siya ka inahan. Gusto man god daw ni Maja nga mahimong credible kon matuohan siya sa role.
Sunod nga project ni Maja mao ang seryeng "Impostor" mao nga nagpakubos na sab siya og timbang. Karon, kita na sab kaayo ang mga kurba sa iyang lawas.
Nasayran sab sa Superbalita nga cover girl si Maja sa upcoming April issue sa Preview magazine. Naka-two piece si Maja sa maong cover.
Anyway, nahisgutan sab ang lovelife ni Maja. Niya, daghan siyang gisakripisyo sa iyang career ug una sa listahan mao ang iyang isyu sa gugma.
Kahinumduman nga nanguyab na sab kang Maja kaniadto ang batikang aktor nga si Coco Martin nga nakauban niya sa "Nagsimula sa Puso."
Giklaro ni Maja nga nagkasabot sila ni Coco nga di una mosulod sa relasyon ug unahon sa nila ang career. In short, gibasted ni Maja si Coco. Di na magpa-echos pa.