WAY spike o kalit nga pagsaka sa mga kaso sa coronavirus disease (Covid-19) sa Dakbayan sa Sugbo.
Ang pagdaghan sa mga kaso nagagumikan sa backlog sa mga test nga gihimo niadtong ubos pa ang siyudad sa enhanced community quarantine (ECQ).
Busa, dako ang kahigayunan nga ang Siyudad sa Sugbo magpabilin sa general community quarantine (GCQ) human sa Hunyo 15 ingon man mapaubos sa modified general community quarantine ang Lalawigan sa Sugbo.
Giklaro sa Department of Health (DOH) 7 pinaagi ni Regional Director Dr. Jaime Bernadas nga way kalit nga pagsaka sa mga kaso sa Covid-19 sa Sugbo.
Kining uwahing nanggawas nga mga resulta tungod sa mga kaso nga nakuhaan og swab sample niadto pang Mayo.
“The backlogs had been accumulated during the past two weeks. The past two weeks were reflective of those test specimen that were submitted early. The specimens that were on a spike during the past week were specimens during past two weeks. Meaning it was still during ECQ time,” si Bernadas niingon.
Namulong siya niini atubangan nila ni Inter-Agency Task Force for the Management of Emerging Infectious Diseases (IATF-MEID) Chief Implementer Secretary Carlito Galvez Jr. ug IATF-EID deputy chief implementer Secretary Vivencio Dizon.
“We are on GCQ June 1. These cases were still two weeks before o prior to June 1,” si Bernadas niklaro.
Apan iyang giangkon nga duna silay nakita nga pagsaka sa mga kaso sa symptomatic nga gidala sa mga ospital.
“We have already done the epidemic core for that and we really found no notable spike in our number of cases,” dugang ni Bernadas.
Si Dr. Virginia Abalos, medical doctor sa Chong Hua Hospital Mandaue Branch, nagkanayon nga daghan pa ang available nga medical beds sa ilang tambalanan.
Gani, mas minos ang nanga-admit karon itandi kaniadto. GCQ, MGCQ Subay sa lakat sa mga kaso sa Covid-19 sa Sugbo, dako ang kahigayunan nga magpabilin una ang Cebu City sa GCQ samtang mag MGCQ ang Lalawigan sa Sugbo human sa Hunyo 15.
Apan di siya ang makahukom lang niini.
Si Galvez niklaro nga sa Lunes pa hingpit mahibaw-an tungod kay si Presidente Rodrigo Duterte mismo ang modeklarar niini.
“If we look at the granular data makikita po natin mostly green area (Probinsya sa Sugbo)...Pag titingnan po natin ang granular data makikita po natin na malaki po ang tsansa na maipasa po sa IATF pero hindi pa po ako makapagbigay ng aking desisyon dahil ang desisyon yan sa IATF”, matod ni Galvez.
Si Galvez malipayon sa panagtambayayong sa lokal nga kagamhanan sa Sugbo ug pribado nga sektor sa pakigtatok sa Covid.
Bisan ang mga lider sa negusyo sa Sugbo uyon sa padayong pagpatuman sa GCQ. Si Cebu Chamber of Commerce and Industry president Felix Taguiam niingon nga ilang naobserbahan nga dugang mga negusyo ang nangabli.
“As days goes by fast, we can see more businesses are opening up which will one way slowly spur economic activity. But put safety into mind although with the recent news for the past few days is not good,” nagkanayon si Taguiam.
Ang Siyudad sa Sugbo nisaylo na sa 3,000 ka mga kaso sa Covid-19, labing daghan sa Central Visayas.
“We are reminding everyone to put health ahead of eveything,” matod ni Taguiam.
Alang kang For Steven Yu, presidente Mandaue Chamber of Commerce and Industry, sa sitwasyon karon mas maayong magpabilin gihapon sa GCQ.
Bukas gani siya sa pagbalik ngadto sa modified enhanced community quarantine (MECQ).
“Most are concerned with the rising cases, and increasing deaths. We feel that it is not worth it for us to take the risk and have the hospitals overflowing or overwhelmed before we take a more cautious stance,” nagkanayon si Yu.
GIPASUSI
Dugang ni Galvez nga gipadala sila ni Presidente Rodrigo Duterte aron sutaon ang kahimtang sa Sugbo ingon man usa ang Sugbo sa priority areas sa nasod niining Covid pandemic.
Gawas sa pagbisita nila ni Galvez ug Dizon sa Sugbo, nakigtagbo usab sila mga tagdumala sa mga pribado ug pampubliko nga tambalanan sa Sugbo.
Dala nila ang 10,000 ka testing kits alang sa Sugbo aron magamit sa subnational laboratory sa Vicente Sotto Memorial Medical Center.
Si Dizon nibutyag usab nga aduna’y goal karon ang gobyerno nga maka-test og usa ka milyon ka Pinoy sa di pa ang Hulyo 31. / dugang taho ni JOB
Dugang ni Galvez nga gipadala sila ni Presidente Rodrigo Duterte aron sutaon ang kahimtang sa Sugbo ingon man usa ang Sugbo sa priority areas sa nasod niining Covid pandemic.
Gawas sa pagbisita nila ni Galvez ug Dizon sa Sugbo, nakigtagbo usab sila mga tagdumala sa mga pribado ug pampubliko nga tambalanan sa Sugbo.
Dala nila ang 10,000 ka testing kits alang sa Sugbo aron magamit sa subnational laboratory sa Vicente Sotto Memorial Medical Center.
Si Dizon nibutyag usab nga aduna’y goal karon ang gobyerno nga maka-test og usa ka milyon ka Pinoy sa di pa ang Hulyo 31. / dugang taho ni JOB