Kalahian sa duha ka testing kits. Una ang Polymerase Chain Reaction (PCR) nga ipasok ang swab sa ilong ug tutonlan. Resulta basahon sa Research Institute for Tropical Medicine (RITM) pagtino kon duna bay misanay nga kagaw. Tag P600 matag PCR test kit. Didto sa Singapore, Maryland ug Virginia dili na i-reswab kon ang positibo wala nay gipamati sulod sa 21 ka adlaw sa quarantine facility.
Ikaduha ang Rapid Diagnostic Test (RDT) pagtino kon duna bay anti-bodies nga tipik sa immune system nga nakigkombati sa kagaw. Taphaw kay dili man kagaw mismo ang makita nga moresulta na hinoon sa pipila nga false negative ug false positive. Apan giinsister sa DOH nga science-based.
Si Dr. Daisy Villa mihulagway nga blood extraction lang. Ipadala sa Regional Epidemiology and Surveillance Unit sa DOH nga maoy moduso sa pribadong laboratoryo. Kon positibo itugyan pa sa PCR alang sa konpirmasyon.
Tag P800 matag RDT kit. Resulta dinhi sa Sugbo 95.6 porsento negatibo ug 90 porsiyento sa positibo asymptomatic o walay gipamati.
Sa Spain, kwestyonabli kay 30 porsiyento ray insakto. Sa Cleveland 15 porsiyento false negative. Spain, Turkey ug Czech Republic ilang gipang-uli ang test kits sa China.
Inter-agency Task Force nga maoy policy making body nagtangag og higpit nga mga tamdanan sa estado sa komunidad.
Pag-isa niadtong enhanced community quarantine (ECQ) o lockdown mao ray bukas ang skeletal governemnt offices, pribadong transportasyon, bangko, pawnshops, BPO’s, botika, supermarkets, groceries, food chains, bakeshops, convenient stores, agricultural products, hospitals, clinics, laboratories, hardwares, water refillings, gasoline stations, media, energy companies, telcos, airport/seaport cargos ug funeral parlors. Curfew sa minors ug seniors. Stay at Home policy. Usa ra sa pamilya ang makagawas pagpalit sa panginahanglan.
Sa Modified ECQ tugotan na sa pagbukas ang pipila ka industriya, manufacturing ug processing.
Sa general community quarantine (GCQ), buksan ang govt. offices, transportations, malls, shopping centers, airports, seaports, constructions, hotels, dormitories, security agencies, computer shops, parts, repairs, payment centers, barber shops, saloons ug masses. Tugotan ang jogging, walking, running, biking ug swimming. Curfew sa minors. Seniors makagawas sa importanting lakaw ilabina og dunay trabaho.
GCQ ang nasod hangtod Hunyo 15 apan milanat ang pag-antos sa kakulang sa publikong sakyanan. Sa Modified GCQ o new normal bukas na ang tanan. (csa_1156@yahoo.com / 09064648954)