MANILA - Way pandemic nga makababag sa mga kalihukan karon sa showbiz. Oo, bawal ang magtapok-tapok pero salamat sa Zoom tungod kay puwede nga mag-meeting pinagi niini.
May namugna ngang word, ang Zoomcon nga uso na karon sa showbiz. Imbes sa usa ka venue, via Zoom na lang, pwede nang mag-presscon. Usa sa nag-avail sa bag-ong technology mao si Judy Ann Santos nga nagpa-presscon via Zoom para sa iyang bag-ong TV show, usa ka docu-drama nga giulohan og “Paano Kita Mapapasalamatan?”
“Kindness is free,” matod ni Juday kung unsa ang iyang ikasulti kabahin sa pagtabang ug sa pagpasalamat sa isig ka tawo.
Siguro mangutana kamo kung asang channel mapapanood ang show ni Juday samtang sarado pa ang ABS-CBN? Well, sa Kapamilya Channel nga magsugod na sa June 13 sa Sky Cable, Cablelink, GSat ug uban pa.
Kining cable ug satellite TV channels nga nagdala sa Kapamilya Channel gipanag-iya sa ubang kumpanya nga di apil sa cease and desist order issued by the NTC ngadto sa ABS-CBN.
Back to Juday, sa dihang gi-offer kaniya ang Paano Kita Mapasasalamatan, ang unang nisud sa iyang alimpatakan kung asa kini ipagawas? Nabag-uhan sad kuno si Juday sa style sa shooting ug taping karon. This time, na-appreciate jud niya ang effort sa mga cameramen.
Thankful si Juday sa mga mingsalig kaniya ug happy siya tungod kay bisan og may gisagubang tang problema, may trabaho pa rin siya. Dili lang si Juday ang may bag-ong show sa Kapamilya Channel, si Angel Locsin duna sad nga parang tailor-made for her, ang “Iba Yan,” usa ka public serbice nga swak sa personalidad ni Angel. Daghang salamat, Kate Adejar, sa hulagway.