Nasakmit sa Bureau of Customs sa Sugbo ang di momenos sa P76 milyones nga kantidad sa gidudahang peke nga mga sigarilyo sa pier sa Sugbo.
Nakuha sa mga sakop sa Bureau of Customs (BOC)-Port of Cebu niadtong Hunyo 12, 2020 ang 1,522 ka mga kahon sa gikatahong peke nga mga Mighty ug Marvels nga sigarilyo. Matod sa BOC, naabot gikan sa China ang kargamiyento niadtong Miyerkules, Hunyo 10. Gi-consign kini sa Giomab Trading ug gi mis-declare isip mga “oval dish.”
Sa wa pa ang pagpangsikop, nag isyu ang BOC og pre-lodgement control order base sa derogatory report gikan ni IO3 Carlo A. Bautista, hepe sa Customs Intelligence and Investigation Service (CIIS), Cebu Field Station.
Human ang usa ka complete physical examination, nakompirma nga undeclared ang mga sigarilyo. / WBS