ANG istorya nilang Billie ug Gabo dili na nato makita kon unsay ending.
Mao ni ang nahitabo sa teleserye nilang Liza Soberano ug Enrique Gil nga napakgang tungod niining coronavirus pandemic ug pagsira sa ABS-CBN network.
Daghan kaayo ang nadismaya ug gi-anugnan nganong kalit man kining giwagtang.
Unang nipahibawo niini ang manager ni Liza Soberano nga si Ogie Diaz.
Apan makita pagbalik ang pipila ka mga programa sa Kapamilya sa Kapamilya channel sa cable ug satellite TV. Sama sa “Love Thy Woman” nilang Kim Chiu ug Xian Lim ug “FPJ’s Ang Probinsyano” ni Coco Martin ug uban pa.
Ang dakong kahibulong sa fans sa “Lizquen” nganong wala maapil ang pirmeng taas og rating nga seryeng “Make It With You.”
Apan ang tubag ni Liza Soberano tungod sa kahadlok nila sa virus. Sa tinuod lang gipadad-an na silag script para mapadayon ang ilang taping sa maong serye apan sila nay nibalibad.
Nagpasalamat ug nangayog dispensa silang tanan. Para nila morag dili pa gyud sila luwas niining virus sa pagkakaron, labi na siguro sa mga lugar diin ipahigayon ang taping.
Ang “Make It With You” mao ang ika-upat nga teleserye nilang Liza Soberano ug Enrique Gil, ay’g saba!