SAMTANG magpadayon pa ang pagpanakod sa coronavirus disease sa Alaska, Barangay Mambaling, ang mga pasyenteng asymptomatic nga naa sa barangay isolation centers di pa papaulion sa ilang tagsa ka panimalay.
Si Cebu City Health officer Daisy Villa niingon nga kinahanglan una malimpyuhan una ang komunidad sa di pa papaulion ang mga pasyenteng naulian na.
Matod ni Villa nga naa gihapon ang pagpanakod sa coronavirus disease (Covid-19) sa dapit.
“If we allow them to go home and there are still reported community transmission of the infection, we will only go back to zero,” matod ni Villa.
Si Cebu City Mayor Edgardo Labella maghuwat sa rekomendasyon sa health department sa paglibkas sa lockdown. (JJL)