HANGTUD karon nagpadayon ang pagdungog sa prangkisa sa ABS-CBN sa Kongreso ug kung imong balansihon ang mga argumento sa mga pabor o supak, maglibog ka kung kinsay nagdala sa kamatuoran.
Kung maminaw ka sa mga tabi-tabi sa mga kilid-kilid adunay mipabor, aduna usay dili, hangtud sa moabot ka sa punto nga kung naka-uyon ka sa mga palabas sa ABS-CBN pabor ka sa ila, apan kung dili, motabang ka og ataki sa maong network, apan, ang ato mao ang pagsunod sa mga punto-pur-punto sa mga katarungan nga atong mabati adlaw-adlaw.
Ang wala mahibaw-i sa uban, nga sa panahon pa diay ni kanhi presidente Benigno Aquino, daan nang wanay plano ang kanhi presidente nga dili i-renew ang prangkisa sa maong network .
Tuig 2012 sa dihang gi-imbitar ni Mr. Gabby Lopez si PNoysa 25th Anniversary sa TV Patrol, gipagawas sa presidente ang iyang hinanakit sa mga balita sa TV patrol batok ngadto kaniya, ug ang gipatamaan niini, mao si Noli de Castro sulod sa lima ka minuto niya nga diskurso isip guest.
Tuig 2014 gi-file na sa ABS-CBN ang ilang renewal sa prangkisa nga matapos niining tuiga 2020, apan wala kini tagda sa 15th Congress ubos sa pamuno ni Speaker Sonny Belmonte, gi-usban pa kini nga wala gi-renew sa ABS-CBN ang kontrata ni Kris Aquino.
Giingon nga nangayo siya og P1 milyon per show sa iyang programa, kay sa kasamtangan P500 mil lang diay ang iyang per show, gusto niya nga ipareha kang Willy Revillame nga P1 milyon per show sa Wowowie, hinungdan nga wala na renewha si Kris Aquino kay pala-os na lagi ang iyang show.
Gi-usban pa kini sa isyu sa Disbursement Acceleration Program (DAP) ug sa Mamasapano massacre nga nahimong dihado ang pangulong Aquino sa maong isyu, apan gisalsal pag-ayo sa ABS-CBN ug wala molingi ang maong network og utang nga kabubut-on kung kinsay nagpabalik sa ilang mass media business niadtong panahon nga gisirad-an ni kanhi Presidente Marcos.
Sa mga nanglabay nga mga eleksyon human sa Edsa People’s Power, klaro nga nagpaluyo gyud og kandidato ang ABS-CBN ug nagmalampuson sila, sa milabay’ng 2016 presidential elections klaro nga si Mar Roxas ang ilang kandidato, tungod kang Korina Sanchez.
Apan gidimalas kining maong network kay ang ilang gitamay nga kandidatong probinsyano mao ma’y midaug ang atong Pangulong Rodrigo Roa Duterte, dili kita Diyos, normal lang sa usa ka tawo nga kung duna kay atraso singlon ka gyod inig abot na sa turno ug mao nani karon ang gidangatan sa ABS-CBN Network.
Dili pa kontento, milabay pa gyod og pulong si Gabby Lopez sa atong presidente, “WALA AKO MAGKINAHANGLAN NIMO, I don’t need you, I have many friends in Congress“. So? Asa naman karon ang iyang amigo sa Congress?
Franchise is a privilege, not a right. So? Kung duna ka’y mas media communication business, ayaw og hunahunaa nga mas labaw ka sa anaa nagdala sa renda sa panggobyerno ug dili maayong sagulan nimog pamolitika ang imong negusyo, kay kung dili mudaug ang imong kandidato patay ang imong negusyo mao kini ang nahitabo sa ABS-CBN karon.