TALAGSAON ang political season dinhi sa Pilipinas kay gawas nga mao kini ang panahon nga manglupad ang nagkadaiyang mga isyu ug pag-utingkay sa karaang mga anomaliya og kontrobersiya. Mao usab kini ang higayon nga masaksihan ang panag-uli sa kabubut-on kintahay sa mga nangi-away og sa panagsungi sa mga kanhi higala sa pulitika.

Sa pagdeklarar nga “we are in the season of shifting political alliances”, ang gobernadora sa Probinsya sa Sugbo opisyal nga mideklarar sa ilang misteza nga line-up nga gisagup sa Partidong One Cebu alang sa National Positions.

"The Manny Pacquiao Blog". Click here for stories and updates on the Filipino boxing champ.

Interesante kining maong pagpili kay padayun kintahay ang ilang pagsuporta kang Gibo Teodoro samtang ilang gisuka og wa dawata si Edu Manzano sa pagka-Bise Presidente og maoy ilang gipili ang climate warrior og women’s rights advocate na si Senadora Loren Legarda.

Samtang nahimu sang saksak sinagol ang linyada sa pagkasenador kay adunay taga Nacionalista, Lakas-Kampi, Partido ng Masang Pilipino ug taga Liberal Party. Kining maong political behavior nagpakita nga tungod sa katuyuan nga maluwas ang kaugalingun.

Ang masig Kandidato andam ng motalikud sa iyang mga kaubanan og sa Partido arun lamang maangkon ang matam-is nga kadaugan.

Kon kaniadto, ang party loyalty usa ka importanteng isyu alang sa mga botante kay amo kini ang magsilbeng barahan dili lamang sa baruganan. Kon dili lakip na sa programa ug plataporma de gobyerno nga gibarugan sa usa ka kandidato nga nagpasilong sa landong sa Partido. Apan karun ning atong kasamtangang Multi-Party System, nahimo ng way nada ang party loyalty kay ang matag Partido wa naman usa’y klarong gibarugan nga programa og ang sukaranan sa pagpili wala na diha sa unsay gipresentar nga blue print of actions kun sila na ang mangatungdanan. Kun dili kini anaa na sa individual personality og popularity.

Mao kini hinungdan nga bisan unsa na lamang nga mga gimik ang atong masaksihan diin ang matag pulitiko ang mogamit og kembot girls, showbiz personality nga igsuon, kampeon nga boksidor, uyab nga gobernador, pagharana og pagsayaw aron lamang sila pagapiliun.

Unya sa political debates og sa mga fora, manago og dili manambong nga unta mao man kini ang higayun nga atong masayran kun isip mga Executives o Legislators, unsa may mamahimo nilang tubag og pagabuhaton kun aduna’y kritikal nga mga sitwasyun nga nagkinahanglan sa ilang baruganan og desisyun.

Samtang sayun kaayong hapinan sa katarungan ang dili deretso nga pagsuporta og partido sa rasun nga kini tilimad-on nga ang mga taga Sugbo nga mga Pulitiko og mga botante intelehente og dili mahimong pakan-on lamang pagdiretso sa si bisan kinsang mga manok nga padaganon sa nasyunal nga partido. Unya sa walay igong paghuna-huna, modiretso na lamang kini sa pagakos og paghatag sa suporta. Apan sa pikas bahin, kini nagpakita usab sa mga dagway sa mga pulitikanhong kaba-kaba nga sa bisan asang buwak o rosas mangilaba alang sa ngalan sa political survival.