KAPIN na lang sa usa ka buwan masuwayan na sa higpit ang labing unang automated nga nasudnong eleksyon karong Mayo 10.

Ang kampanya sa mga kandidato alang sa lokal nga mga posisyon pormal nang gisugdan sa miaging semana.

"The Manny Pacquiao Blog". Click here for stories and updates on the Filipino boxing champ.

Sama sa atong gipaabot, misamot sa pagbukal ang kawa sa pulitika human naklaro na karon ang lokal nga mga kaabin sa mga nasudnong kandidato.

Milutaw na ang matuod nga bulok sa mga pulitiko ug partido. Daghang personahe sa pulitika ang nangambak ngadto sa gituhoang magmadaugong kandidato, labina sa pagka presidente, ning nagkaduol nga eleksyon.

Kaugalingong interes mipatigbabaw. Naneguro sila ng di mawani sa mosunod nga administrasyon sa nasod.

Ang nag-unang duha ka mga partido sa mga survey, Liberal Party (LP) ni Sen.Noynoy Aquino ug Nacionalista Party (NP) ni Sen. Manny Villar, mao ang sentro sa

kataposang hunat sa inambakay sa mga pulitiko.

Sa Sugbo, dayag na ang plastada sa pulitika human si Gob. Gwen Garcia nipili kang Sen. Loren Legarda, kandidato sa pagka bise presidente sa NP, ug ang iyang suportahang kandidato sa pagka presidente mao si Gibo Teodoro sa partido sa administrasyon.

Apan ang iyang amahan nga si Cong. Pablo Garcia sa Ikaduhang Distrito ug ang iyang igsuong si Pablo John Garcia tua mosuporta kang Villar. Hinuon, nasod kita nga ubos sa demokrasya busa gawasnong mopili sa mga kandidato nga dapigan.

Maglauman kita nga postibo ang eleksyon sa Mayo 10 diha pagkapatik sa mabulukong mga panid sa kasaysayan sa pulitika sa nasod.