GIPAHIBALO ni Police Brigadier General Rolando Anduyan, ang regional director, nga ang implementasyon sa travel authority (TA) dili na kinahanglan kung ang duha ka mga local government executives ang magkasabot nga dili kini i-implementar sulod sa hurisdiksyon.
Nasabtan ni Anduyan nga dili kinahanglan ang TA niadtong mobiyahe nga anaa sa highly-urbanized city (HUC) ug geographically makita lang sulod sa lalawigan.
Kini basi sa interpretasyon ni Cagayan de Oro Mayor Oscar Moreno gamit ang Latest Omnibus Guidelines kon diin iyang gimando nga ang siyudad dili na kinahanglan mangayo og travel authority sa mga katawhan gikan sa Misamis Oriental ug moadto sa siyudad.
Apan taliwala niini, pabilin nagbarog ang Police Regional Office-Northern Mindanao nga ipadayon ang implementasyon kay ilang gibasihan ang direktiba sa Camp Crame.
Tungod sab kay ang isyu wala naresolba sa Regional Task Force (RTF), giduso kini ngadto sa National Task Force (NTF) aron gyod mahatagan og gibug-aton.
Niadtong adlawng Huwebes, ang isyu pormal nga gihisgotan ni Police Lieutenant General Guillermo Eleazar, gikan sa JTF Covid Shield ug dinhi iyang gipasabot nga pwede kini dili iimplementar kung ang duha ka mga local chief executives magkasabot nga dili na lamang kini iimplementar sa pagawas ug sulod sa lugar.
"Kung hindi ako nagkakamali, yon po yong napag usapan natin in the other day between Cagayan de Oro and Misamis Oriental, they belong to geographical area. The intent of NTF with the guidance of SILG para ma limit natin itong movement na hindi siya mag ko cross kung walang travel authority but kung mag-uusap naman ang dalawang LGU at sa tingin nila it will good for them pag walang TA at mag isa lang siya, I believe Mr. chair that they could open the area," matud ni Eleazar.
Apan pabilin gihapon nga implementahon ang TA hangtod nga walay agreement gikan sa lokal nga kagamhanan sa Cagayan de Oro ug Misamis Oriental.
"It is my guidance based on the directive of Camp Crame that TA will be asked for non-Apor individual when going in and out of the HUC from and to other province," pasabot ni Anduyan.
"Hope the LGUs and the people will understand that we are just following the instruction of the higher headquarters. If not, we will be sanctioned for disobedience. Anyway, marami naman ang Apor na pinayagan except those non-essential activities na siyang purpose nang TA para ma limit ang galaw nang mga tao na wala naman importanting ginagawa," pasabot niini.
Sa iyang bahin ni PRO-Northern Mindanao spokesperson Lieutenant Colonel Mardy Hortillosa, iyang gipasabot nga paabuton lamang ang bag-ong direktiba hilabi na nga natapos na ang guidelines sa modified general community quarantine kon diin nalakip kining pag required sa travel authority.