16 ka estudyante nagwelga, nakasupak sa social distancing

MOKABAT 16 ka mga tinun-an ang giimbitahan sa Iligan City Police Station (ICPS) 5 human giingong nakasupak sa social distancing niadtong Adlaw sa Kagawasan, Hunyo 12, 2020.

Sa report sa ICPS 5, nasuta nga giimbetahan ang 16 ka mga batan-on kinsa giingong nagwelga sa Rotonda sa Barangay Palao, Iligan City mga alas 11:00 sa buntag niadtong Hunyo 12 ug nakasupak sa health protocols sa social distancing.

Kini grupo sa mga estudyante sa usa ka dako nga unibersidad sa maong siyudad ug ang protesta naghisgot pagbasura sa Anti-Terrorism bill, mass testing for Covid-19, ug uban pa nga isyu nga ilang gipaabot atol sa selebrasyon sa Independence Day.

Giingong atol sa protesta, wala naobserbahan ang social distancing rason nga giimbitahan kini sa mga personahe sa ICPS 5 ug City Intelligence Unit mga alas 11:00 sa buntag.

Sa dugang nga imbestigasyon, tulo nila ka mga kauban ang dili diay lakip sa grupo ug nakadagan lamang tungod sa kahadlok.

Ang 13 ka batan-on giisyuhan og citation ticket sa kasupakan sa health protocols.

Susamang adlaw, gi-release ang mga batan-on nga gidawat sa ilang mga ginikanan.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph