SILA si Norman ug Melay manag-agaw og tagurha. Busa libre siyang makasud sa balay sa babaye niyang ig-agaw. Gani dunay mga gabii nga anha kini matug sa balay nila ni Melay.

Wa siya masayod nga ang akusado duna diay dautang plano sa iyang anak.

"The Manny Pacquiao Blog". Click here for stories and updates on the Filipino boxing champ.

Usa ka gabii niadtong Hunyo 1996, hayan mga alas 9 sa gabii, nahinanok na si Liza, anak ni Melay sa pagkatug. Iyang tupad sa pagkatug ang iyang 7-anyos nga igsuon.

Nakurat na lang siya dihang sa iyang paghigmata, diha na nagpatong kaniya ang akusado. Bisan ngitngit, nakaila siya kang Norman kay nilusot man ang kahayag sa buwan sa mga giwang sa bungbong nga kawayan.

Didto na siya makaamgo nga ang akusado hubo na tanan ingon man siya. Gisugdan dayon sa akusado pagduwa ang kinatawo ni Liza ginamit ang tudlo una pa angkuna ang iyang pagka babaye.

Human makagawas ang iyang gana, gipahimangnoan siya sa akusado nga di maglangas aron di patyon. Makadaghan pa siya pahimudsi sa akusado. Ang katapusan nahitabo niadtong Nobiyembre 7, 1997.Wa gyud siya makalimot kay iya kadtong ikasiyam nga adlaw nga natawhan.

Nianang Nobiyembre 30 wa na siya makaaguwanta, nisumbong gyud siya sa iyang inahan, kinsa dali sang naka-report ngadto sa mga barangay official.

Si Norman pwerte gyung pangulipas sa mga alegasyon. Matod niya nga sa mga petsa nga ginganlan ni Liza, layo kaayo siya sa ilang dapit kay nagtrabaho siya sa construction.

Matod niya nga dudto siya magpuyo sa iyang iyaan, kinsa inahan ni Melay. Kini nahimutang mga duha ngadto sa tulo ka kilometros. Giangkon sab kini ni Melay ug ang iyang pamahayag gigamit ni Norman nga depensa.

Di ba nakaguba sa prosekusyon ang pamahayag ni Melay? Niini, mahimo bang makalusot ang akusado sa kasong rape, kana kon ikaw ang pahukmon?

Hukom sa mga kasong rape, attempted rape

Ang akusado guilty sa kasong rape, tulo ka mga kasong attempted rape ug usa ka acts of lascviousness.