PEKE. Karon, daghan na kaayo ang maayong laki sa internet o online hinungdan nga daghan na sad ang mga bogus nga FB account nga gigamit sa binuang labina sa isyu sa pulitika.
Ang nakaparat lang kay ang mga kriminal og pangutok nigamit ning maong peke nga social account sa pagpangilad ug pangwarta. Ang cybercrime section sa National Bureau of Investigation (NBI) nagsugod na og imbestigar. Maayo unta masakpan dayon ning mga nagpasiugda sa giingon nga dummy accounts.
Nidaghan ang dummy account atol ning Covid-19 pandemic samtang ang kadaghanan nato naproblema ning maong sakit ug atong kagamhanan naningkamot sa pagbatok ning coronavirus.
Sa mga naungo sa social media, pagbantay mo kay basin moabot ang panahon nga imong social media account mogawas sa imbestigasyon sa NBI nga gigamit na sa pagpangilkil o di ba sa pangayo og donasyon alang sa mga biktima sa mga sa corona virus.
Ang akong mga higala, nga morag hilantan og di maka FB nagpadala na og notisya sa ilang account nga og dunay mogamit sa ilang account unya ang hulagway tisoy ra kaayo, di na siya. Nakabantay ko nga dunay tawo nga ang hulagway sa Santo Papa iyang gigamit. Ngano wa man ni gitangtang sa FB administrator?
Nakahinumdum ko kaniadto nga nakadawat ko og mensahe sa celfone nga nagdala sa ngan sa akong kaila nga abogado sa Surigao del Sur nga nangayo og hinanabang ug kwarta kay nawala kuno iyang pitaka ug wa siyay ikaplete sa barko padung sa Cebu city.
Tungod kay iyang cell numbers wa sa akong kontak nanawag ko sa lain nako nga pañero sa Surigao aron pagsuta. Ang resulta bogus nga abogado kay ang iyang gidala nga ngalan tua man sa Manila. Hunahunaa nga nakakuha siya sa akong cell number nga wa na ko gipublikar. Sa ato pa, mas sayon ang social media account kawaton o kopyahon. So, di mokumpiyansa. Makabasa mo sa ko FB nga ang ambongan hulagway ni Eddie Barrita ang migawas, iya na.