OPISYAL nang nagsugod ang Semana Santa pinaagi sa bendita sa lukay kagahapon.
Si Cebu Archbishop Ricardo Cardinal Vidal ang nangulo sa bendita sa lukay sa pagtapos sa ika-25 ka tuig nga Local World Youth Day kagahapon sa kaadlawon sa San Carlos seminary ground.
Subling nipahinumdom ang simbahan sa mga politico nga sa pagtimaan sa Semana Santa ilabina sa adlaw sa Huwebes Santos ug Biyernes Santo mopahuway usab sila sa pagpangampanya ug inay gamiton ang maong mga adlaw sa reflection.
Gipahinumdoman usab sa Cardinal ang mga pulitiko nga di pahimuslan ang mga kalihukan sa semana santa alang sa ilang personal nga tinguha.
Hinuon, gimando na sa Cardinal sa tanang mga simbahan nga di mopahigayon og mga Siete Palabras sa ilang mga parokya kay ang Siete Palabras lang sa Cebu Metropolitan Cathedral ang angayang paminawon sa tanan.
Ang maong kamandoan giluwatan sa Cardinal niadto pang 2008.
Ang ubang mga simbahan gimandoan lang nga mo-install og television sanglit duna may live coverage sa Siete Palabras sa GMA-7 ug kini maoy tan-awon sa ubang mga
parokya.
“The Siete Palabras, a Lenten reflection on the Seven Last Words of Our Lord Jesus Christ, has been an important source of meditative and prayerful reflection for the Catholic faithful every Good Friday. Priests are discouraged from taking part in a Siete Palabras other than the one held at the Metropolitan Cathedral. Please install TV monitors and if need be, speakers in strategic places of the parish church so that more people can have better viewing access to the ceremony taking place at the Metropolitan Cathedral,” suma sa kamandoan sa Cardinal. (CPL)Gipatik sa mantalaang Sun.Star Superbalita Cebu sa Marso 29, 2010.