GIKATAKDANG mokwestyon ngadto sa Court of Appeals (CA) ang upat ka magsoung Yanson kinsa pamilya nagpadagan og dagkong kompanya sa bus dinhi sa Mindanao lakip dinhi sa Cagayan de Oro.
Kini kabahin na usab sa arrest warrant may kalambigitan sa kasong carnapping nga giisyu sa Regional Trial Court (RTC) Branch 53 gumikan sa alegasyon nga pagpangarnap og mga sakyanan nga gipanag-iyahan sa kompanya.
Sila si Roy, Emily, Ricardo Jr. ug Ma. Lourdes Celine Yanson o mas giila nga Yanson 4 o Y4, ang modangop sa appellate court aron i kwestyon ang pag-isyu sa warrants of arrest sa Bacolod Regional Trial Court (RTC) Branch 53.
Nag-ugat ang kaso gikan sa reklamo nga gipasaka sa usa ka empleyado sa Vallacar Transit Inc. (VTI).
"There can be no basis for warrants of arrest to issue as the question of who between the two contending groups legally manages and operates VTI has not yet been resolved by the same court. The resolution of that issue will also determine the authority of the complainant to file suit involving VTI vehicles. By issuing arrest warrants without first resolving who between the 2 groups has authority to manage VTI and file complaints for it, the result of the pending intra-corporate case is now a foregone conclusion," kini ang pahayag sa legal counsel sa Y4.
Niaging tuig mga bulan sa Hulyo 2019, ang Y4 aduna nay panagbangi tali sa iyang duha ka mga igsuon ug gipamugos sa Y4 nga naghupot sila og 61 porsiyento nga majority shareholdings sa VTI.
Kahinumduman nga ang upat ka magsoun isip mga major stockholders sa Rural Transit Mindanao Inc. (RTMI) nag-convened dinhi sa Cagayan de Oro City niadtong Pebrero 12 alang sa annual stockholders' meeting kon diin ang RTMI usa sa kompanya nga ubos gihapon sa Yanson Group of Bus Companies nga ga-operate sa Mindanao.
Kumpiyansa gihapon ang upat ka magsoun nga taliwala sa wala ug too nga kaso nga giatubang karon panahona mopatigbabaw gihapon ang ilang mga katungod sa pagdumala ug mopatigbabaw ang kaangayan ug hustisya nga ilang gipakigbisogan.