SUPERBALITA DAVAO

Editoryal: Ayuda sa mga OFWs

MANILA. Makita ang mga personahe sa buhatan ni Senator Risa Hontiveros nga maoy nangunay og panghatag og mga pagkaon sa dula-an 500 ka mga stranded overseas Filipino workers sa Ninoy Aquino International Airport (NAIA) Terminal 2 samtang naghulat og chartered flights nga maoy mohatud sa ilang probinsya niadtong Lunes. (Pinaambit nga hulagway)

GUMIKAN sa coronavirus disease 2019 (Covid-19) pandemic, daghan na kaayo og mga overseas Filipino workers (OFW) nga nanguli sa Pilipinas, kay lagi nahadlok nga basin didto sila magkasakit sa laing nasud, abo na gyud sila nga mauli sa Pinas.

Tungod niini, daghan ang giingong nasagmuyo nga mga OFW sa ilang pag-uli, naguol kay lagi wala silay matrabahoan sa Pinas -- sa abroad nga trabaho ang ilang gibuhi sa ilang pamilya, aron makakaon ug maka-tungha.

Apan ning mga gutloa, wala na kabalo ang mga OFW kung asa na sila mapadulong, uban sa panghinaut nga tabangan unta sila sa gobyerno, hatagan sila og matrabahoan aron mabuhi ang pamilya ug maprotektahan sa kahimtang sa ilang panglawas.

Sa maong hitabo, maayo nalang kay gipaningkamotan ni Senator Risa Hontiveros nga mapukaw ang gobyerno sa pagtagad sa mga OFW nga mobalik sa Pinas pinaagi sa pagduso sa Senate Resolution No. 445, usa ka senate investigation sa usa ka "reintegration plans" alang sa mga OFW nga dunay dakong purohan nga dili na kabalik sa trabaho abroad.

"We must put an end to the suffering of our migrant workers and their families during this pandemic. Dapat may malinaw tayong plano para tugunan ang financial, medical at mental health needs ng dumaraming bilang ng OFW na bumabalik sa bansa," ingon sa senadora.

"It is essential that the government's return and reintegration programs take the needs of OFWs and their families into account in developing and implementing financial aid programs for households in distress, mental health and psycho-social services, and medical assistance in relation to COVID-19, including mandatory testing," ingon ni Hontiveros diin dul-an 300,000 ka mga OFW ang mibalik sa Pinas.

Pinaagi niini, mapukaw unta ang gobyerno nga kinahanglan gyod diay nga matabangan ang mga OFW nga nanguli sa nasud, kay kung wala ni nanguli, mosamot sab ang problema sa gobyerno sa pagpauli sa mga abo sa lawas ugaling mataptan sa virus ug namatay.

Di lamang mga OFW ang nanginahanglan og igong pagtagad sa gobyerno karon, apan daghan pa nga nag-ilaid ning mga gutloa gumikan sa pandemic.

Bisan pa og nakaayuda na ang gobyerno, apan kuwang alang sa tanan, mas maayong mangita pa og pamaagi ang gobyerno nga masulbad na kining tanan.

Ang pag-ampo sa tanan ang gikinahanglan nga unta naa nay bakuna aron mabalik na ang kanhi normal nga ekonomiya nga maoy nagpalambo sa nasud alang sa mga serbisyo sa katawhan.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph