SUPERBALITA CEBU

Lonzon: Labella gisantako sa pagsaway

Mata sa agila

WA MATUMAN ang gusto ni Cebu City Mayor Edgar Labella nga magpabiling general community quarantine (GCQ) ang dakbayan kay gibalik man hinuon sa labing ubos status ang kahimtang sa siyudad ngadto sa enhanced community quarantine ( ECQ).

Matod pa, tungod sa pagsaka sa kaso sa Covid-19 matag adlaw. Ang pangutana, nganong nag-inusara ang Cebu City sa ECQ sa tanang lugar sa Pilipinas?

Ang Quezon City grabi kataas ang kaso sa nangamatay. Ang Cebu City taas ang pagsaka sa nangaayo.

Ang pagbutang sa ECQ kay maoy rekomendasyon sa Inter Agency Task Force ( IATF ) ug gipirmahan sa Presidente.

Nahibulong lang ko sa pagbisita sa IATF sa Sugbo, mipasalig nga ang rekomendasyon sa city ug province ilang paboran.

Gusto ni Labella nga magpabilin ang siyudad ubos sa GCQ status.

Samtang, si Gobernador Gwen Garcia sa probinsya sa Sugbo gusto nga modified general community quarantine (MGCQ ).

Unsang pagkabutanga nga ang pasalig sa IATF ngadto sa mayor ug gobernador napakyas man.

Sa maong panghitabo, si Labella hinuon ang gisantako sa mga pagsaway sa business sector ug katawhan

Ilang rason naapekthan na og maayo ang ilang patigayon ug panginabuhi sa ilang mga trabahante.

Mireklamo ang nagutman nga mga molupyo sa barangay nga gi-lockdown sama sa Mambaling.

Wa tay mahimo kon dili ang pagsunod sa kamandoan sama sa health protocol.

Health is wealth man kaha?

Atong apelasyon sa kagamhanan sa siyudad sa Sugbo, himuon ang tanang paagi nga dili magutman ang katawhan.

(Email: efrenlonzon71@gmail.com / Text:09235562777)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph