USA ka 23-anyos nga lalake napagan sa pagpusil, namatay. Ang biktima gikan sa usa ka disco sa barangay Banilad, siyudad sa Mandaue kagahapon sa kaadlawom.

"The Manny Pacquiao Blog". Click here for stories and updates on the Filipino boxing champ.

Ang homicide section sa Mandaue City Police Office (MCPO) niila sa batan-ong biktima sa pagpamusil nga si Excel Pacaña, 23, ulitawo nga taga dalan M.L. Quezon, Barangay Maguikay, Mandaue.

Base sa pasiunang imbestigasyon sa kapulisan nga si Pacaña uban sa iyang mga higala ang nag-disco sa Sitio Barlaps sa Banilad hangtod nga naabtan og kaadlawon sa ilang paglingaw-lingaw.

Namatikdan nga ang grupo sa suspek nga si Giovanni Jumao-as alyas Bansot, 29, taga dalan Sacris, Banilad ang nagsige og pangamay ngadto sa kauban sa biktima samtang sila nag-disco ug nanghagit og sinukmagay.

Nasayran nga usa sa mga kauban ni Pacaña ang giingong adunay sungi ngadto sa suspek, apan wa nila panumbalinga hangtod nga namauli ang grupo sa biktima luwan sa traysikol.

Nadunggan nalang ang duha ka buto sa armas ug kalit nga nahug samtang nag-backride ang biktima ug aduna nay samad pinusilan diha sa iyang buko-buko.

Dead-on-arrival (DOA) si Pacaña human nga gidalit sa pagdala sa tambalanan ug dali nga nakasibat ang suspek palayo sa dapit.

Sa laing bahin, ang Cordova police niugkat sa lawas ni Maximo Daniot, hamtong ug caretaker sa buhatan sa Palmera Security Agency diha sa sityo Bantayan barangay Poblacion, Cordova.

Ang mga lumolupyo duol sa abandonado nga edipisyo nagreklamo sa kabaho nga nangalisbo gikah sa maong buhatan.

Hinungdan nga sa pagsusi wa nay kinabuhi si Daniot nga naglingkod sud sa pansayan.

Ang mga silingan ni Daniot nakabantay nga sud na sa usa ka semana nga wa kini gawas-gawas sa maong edipisyo ug matod pa, dugay na sab kini nga nag-antos sa sakit nga tuberculosis.