USA ka pulis nga taga Dakbayan sa Talisay nga person under monitoring (PUM) namatay mga alas 12:05 sa kaadlawon sa Miyerkules, Hunyo 17, 2020, sa Talisay District Hospital sa Dakbayan sa Talisay.
Ang 45 anyos nga pulis, taga Dumlog, Talisay City, nagtrabaho sa regional office sa Firearms and Explosives office. Siya gihulagway nga diabetic.
Determinahon pa unsa ang iyang namatyan, apan matod sa Talisay City Police Station nga ang pulis gi-isolate sa Talisay City Central School sud sa usa ka semana tungod sa tulo ka semana nang nagbalikbalik nga hilanat.
Dali siyang gidala sa ospital human naoserbahan nga luya, di na makabarog.
Matod sa Talisay police nga gi-intubate ang mao nga pulis sa district hospital sa wa pa mamatay. (BBT)