SUPERBALITA DAVAO

Gipahagba og kaduha

Hulagway isa sa Top Rank.

NAKUHA ni Mike "Magic" Plania nga lumad nga taga General Santos City ang iyang tinguha nga buntogon si World Boxing Organization No. 1 rated bantamweight Joshua Greer Jr. human nga gipakamang kanbas makaduha ka higayon dihang gideklarang midaug pinaagi sa majority decision human ang 10 rounds nga Top Rank's Boxing didto sa Las Vegas Miyerkules, Hunyo 17, 2020, nga gipakita sa ESPN.

Si Plania, kinsa gihulagway nga dakong dehado, nitala gilayon og knockdown sayo sa unang hugna pinaagi sa walang kinumo nga niigo sa apapangig ni Greer. Apan ang lumad nga taga Chicago, dali lang sab nakatindog ug mora og wala lang maunsaay.

Si Plania maoy midala sa away ngadto ni Greer sa misunod nga mga hugna kay ang Amerikano sa gawas na lang nagpatusik-tusik sa kinumo ug wala na magpaapopa sa taga Gensan.

Apan una pa mibagting ang lingganay sa ikaunom nga hugna, nakakonekta na sab si Plania og walang kinumo ngadto ni Greer nga miresulta sa pagkahagba na sab niya sa kanbas sa makaduha ka higayon.

Sa pagkawalo nga hugna, nakamatikod nga nagkinahanglan siya'g knockout nga kadaugan, si Greer miusab sa estilo ug nakig-away sa ilawom tungod kay luya na sab si Plania, busa nakagukod ang Amerikano sa scorecard.

Miiskor ang mga hurado: Tim Cheatham 96-92, Patricia Morse Jarman 97-91 ug Dave Moretti 94-94 pabor kang Plania. Ang PhilBoxing dunay 96-92 alang kang Plania.

Si Plania nipalambo sa iyang rekord pinaagi sa 24-1, 12KOs samtang si Greer nitiurok sa 22-2-1, 12 knockouts (KOs).

Samtang sa undercard sa maong away, mipatigbabaw si rising welterweight Giovanni Santillan batok sa beteranong si Antonio DeMarco pinaagi sa majority decision nga kadaugan.

Mga hurado niiskor: Dave Moretti 95-95, Steve Weisfeld 96-94 ug Tim Cheatham 96-94 pabor ngadto sa lumad nga taga San Diego nga si Santillan.

Bisan tuod og nakitang nakakonekta og daghan si Santillan, si DeMarco maoy nakaigo og daghang damyos kay gidug-an niya si Santillan sa ilong sa 4th round ug sa 8th round. Kanunay nakapakonekta si DeMarco sa iyang tulong kumo ngadto sa lawas ni Santillan sa tibuok away.

Nilambo si Santillan, 28, nagdto sa iyang rekord nga 26 kadaugan uban sa 15 ka mga KOs samtang ang 34-anyos nga si DeMarco nahagbong sa rekord nga 33-9-1, 24 KOs.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph