Kanhi commander sa MILF mitahan

Hulagway iya ni Edgar E. Fuerzas
Hulagway iya ni Edgar E. Fuerzas

KIDAPAWAN CITY -- Misurender ngadto sa militar ang kanhi brigade commander sa Moro Islamic Liberation Front (MILF) alas 11 a buntag niadtong Martes, Hunyo 16, 2020.

Giila ang mitahan nga si Buto Sanday, kanhi brigade commander ug G3 sa Bangsamoro Islamic Armed Forces (BIAF).

Nasayran nga si Sanday gipalagpot sa liderato sa MILF sa dihang gilambigit siya sa kagubot sa Pikit, North Cotabato Province ug Pagalungan, Maguindanao.

Apan giklaro ni Sanday nga wala siya misurender ngado sa militar kon dili iya lamang gipresenta ang kaugalingon kang 602nd Brigade Commander, Brigadier General Roberto Capulong.

Tumong ni Sanday nga tiwason na ang kagubot sa Pikit ug Pagalungan gumikan gibati na siya sa sobrang kaluoy sa mga sibilyan nga naapektuhan sa engkuwentro batok kang Kumander Hussien sa MILF.

Gitahan ni Sanday ang iyang armas, mga bala ug magazine.

Kahinumdoman nga miulbo ang grabang engkuwentro sa Pikit ug Pagalungan sa diha nga gipapha si Sanday sa pamunoan sa MILF.

Samtang gikalipay ni Pikit Mayor Sumulong Sultan ug General Capulong ang gihimo ni Sanday ug nanghinaot alang sa kalinaw ug panaghiusa sa magkaaway nga pundok.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph