Teen Romance: You should know by now

(Ikalima sa pito ka mga gula)

Sa ilang lawn ni Marlita nako atubanga si Paul. Wa ko siya pasudla sa balay kay karong panahona di basta-basta nga mopasulod sa balay og laing tawo tungod sa kagaw sa Covid-19.

“Sige, biyaan ta una mo, ha, Carol, Paul?”

Very smiling si Marlita ngadto kang Paul. Suod na sab nga friends sila si Marlkita ug Paul tungod nako. Ako ang nagpaila-ila sa duha. Nagkadungan mig tando si Paul.

Nagtapad mig lingkod si Paul sa bermuda grass.. Apan nag-social distancing mi. Angay lang gyud ming mosunod sa protocol. Malipayon si Paul. Well, tawo man lang ta nga mobatig kaluoy. Ug mao kini ang gibati ko ngadto kang Paul. Apan kutob ra gyud sa kaluoy, wa nay lain pa.

“Ilado gyud sila si Marlita dinhi, Carol. Nakatultol dayon ko sa ilang balay kay ang akong gipangutana maoy nagtudlo nako dinhi.”

“Bitaw. Pulos man gud teacher sa public school ang parents ni Marlita.”

“Mianhi gyud ko tungod nimo, Carol. Gimingaw ko nimo.”

Mikatawa ko. Gipakita ko kang Paul nga wa ko seryusoha ang iyang gisulti. Unsaon nga wa man siyay lugar sa akong kasingkasing.

“Paul, to be honest, friend lang gyud ang feeling ko nimo. Daan na tika giingnan nga ayaw paglaom nako.”

Nahilom si Paul. Naghinuktok siya. Unya nanghupaw siya.

“Friend lang gud ta, Paul. Mas nindot nga ingon lang ta ani kay komportable ta sa usag usa.”

Dugay kong gitan-aw ni Paul. Nawala ang iyang pagpahiyom. Seryuso na kaayo siya.

“Kon mao gyud nay imong desisyon, Carol, di na ko magsamok nimo.” Unya nananghid na si Paul nako. Gijhatod ko sya kutob sa gate.

Anang pagka gabii, mibisita si Greg kanamo ni Marlita. Apan mibiya si Marlita namong duha ni Greg. Diha mi mag-estorya sa terrace nila ni Marlita. Nakadesisyon ko nga tug-anan si Greg kon kinsa ko.

Para nako, di ko angay ikauwaw ang akong mother. Pinangga ko ni Mama ug gimahal ko sab siya. Bisan single mother siya apan naningkamot siya nga mahatagan kog maayong future. (SUMPAYAN)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph