Rapid test ikoordinar sa LGU ug DOH

ANG confirmatory test lamang sa real-time polymerase chain reaction (RT-PCR) test sa Department of Health (DOH) maoy bugtong makasulti kon ang usa ka indibidwal nagpositibo o nagnegatibo sa coronavirus disease (Covid-19).

Si Cagayan de Oro Mayor Oscar Moreno nag-isyu og Executive Order No. 080 niadtong adlawng Biyernes nga nag-require sa tanan laboratories ug diagnostic center nga kinahanglan usa magkonsulta una sa City Health Office o DOH-Northern Mindanao sa dili pa mopahigayon og rapid test procedures sa Covid-19.

Gikasuko ni Moreno nga walay koordinasyon sa City Health ang pagpahigayon sa usa ka kompanya og rapid test procedure kon diin walo ang nagpositibo niini.

Sa iyang bahin, nagpagawas sab og pahayag si Maricel Rivera, city information officer, nga nagpasabot nganong kinahanglan ang koordinasyon sa City Health sa mga gapahigayon og rapid test.

"Maayo man nga nag-conduct sila sa rapid testing. But iplastar nato ang proseso kay kon walay coordination kalat atong sistema. What if naay mag-positive? Unsay ilang buhaton sa nag positive? Ang rapid testing cannot stand alone. Kinahanglan pa ang confirmatory test niini sa real-time polymerase chain reaction test. Dire sa Region 10, ang NMMC ug DOH TBRC pa lang ang naay capacity sa RT-PCR testing. So kon dili nila i-coordinate, unsaon man nila pag-confirm sa ilang result sa rapid test?" Matud niini.

Dugang niini nga ang siyudad kon adunay magpositibo sa rapid test o RT-PCR, gaipaubos og risk assessment. Kon kini asymptomatic, ipahimutang kini sa city isolation

units nga gaatimanon sa health professionals.

Kon makitaan sab og sintomas, kinahanglan sab i-admit dayon na sa EREID ward sa Northern Mindanao Medical Center.

"Daw be, ang companya o ang testing lab nga dili mag-coordinate, asa man nila ibutang ilang positives? Sa LGU CDO, pag naay positive, automatic ang contact-tracing ug kon gikinahanglan i-contain ang area diin nagpuyo ang Covid-positive patient."

Gipadayag niini nga kon dili ipaagi sa koordinasyon, anaa bay kapasidad ang tanan kompanya nga moprotektar sa ilang pasyente ug mga tawo nga mahimo nila nga mahimamat sa pasyente.

"Will they do their own contact-tracing, isolation and treatment? Sa LGU man gyapon na mudagan ug magkalisud na. Busa need ang coordination. Ug unsa may kalisud pud sa pag coordinate? Igo ra man pahibalo sa City Health Office aron ma-check sad sa CHO kung ensakto ba ang pag administer sa tests kay specialized man ang proseso niini," dugang niini.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph