SAMTANG nagpabilin nga ubos sa modified general community quarantine ang lalawigan sa Misamis Oriental, nagpadayon sab ang hangyo ug panawagan ni Dr. Jerie Calingasan, ang chairman sa Provincial Task Force for Covid-19, nga dili magkumpiyansa batok sa makamatay nga virus kay nagpabilin pa kini karon panahona.
Kini hilabina nga ang lalawigan wala na gipatuman ang travel pass ug ning bag-o lang giwala na usab sa Police Regional Office-Northern Mindanao ang pagpangayo og travel authority diha sa matag checkpoints sa mga mosulod ug gawas sa lalawigan.
Usa sa pahimangno niini mao ang makanunanayon nga maghugas og kamot.
Mahimo sab nga mogamit og alcohol apan alternatibo lamang kini kon ugaling walay presensya sa hugasan og kamot sa palibot.
“The practice of handwashing with soap and water in 20 seconds with the correct handwashing technique is even more important than alcohol use. You need a palm full of alcohol not just a spray of alcohol or a drop of alcohol which is a very common practice to apply in your hands...when the alcohol is dry, you need to rinse your hands with water,” matud ni Dr. Calingasan.
Ikaduhang pahimangno niini nga likayan ang close contact tungod matud niini nga 6 feet ang kalay-on pwede pa matakdan. Hinungdan nga batasanon ang physical distancing sa duha ka metros ang kalay-on.
Nagmando sab kini sa tanan nga magsul-ob sa kanunay og face mask nga mahimo ra ang cloth mask. Ang surgical mask, sigon pam ireserba sa mga frontliners ug healthworkers.
Pasabot niini nga ang pagsul-ob og facemask 85 porsiyento niini nga maubsan ang infection.
Batasanon sab ang paglimpyo ug pag-disinfect sa palibot lakip ang mga tagsa tagsa ka buhatan.
Dugang niini nga monitoron sab ang gibati ug magtemperatura matag alas 8 sa buntag ug ala 1 sa hapon maoy rason gihatagan ang mga empleyado og tagsa-tagsa ka thermometer.
Kon molapas sa 37.7 degrees Celcius ang temperatura, dili na maglaag ug magpuyo sa panimalay ug ipahibalo ang barangay, labi na nga hugot nga gimonitor karon ang mga nagbaton og influenza-like illness.
"Sa katawhan sa lalawigan ug sa Cagayan de Oro ang akong ikasulti is dili magkumpiyansya," pahimangno ni Calingasan.