Roldan: Kahadlokan nga balaod?

DAGHANG nakaangay, apan daghan sab ang nisupak sa giplano nga anti-terrorism bill o ang balaodnon batok sa terorismo sa nasud.

Si Davao City Mayor Sara Z. Duterte-Carpio nagpaguwa og pamahayag sa iyang pagsuporta sa Anti-Terrorism Bill nga naghulat na lamang sa lagda sa pangulo sa Malacañang Palace.

Sa iyang sinulat nga pamahayag nga gipang-apud-apod sa media niadtong Hunyo 16 nga "The history of Davao City has been marred by senseless and violent terrorist acts that have cost the lives of Davaoeños. It is a painful reminder as we continue to strive for the peace and security of Davao and the people."

Testigo ang Davao City sa maduguong atake sa terorista sa nasud sama sa gitawag nga "Easter Sunday Bombing" sa San Pedro Cathedral sa 1990's, ang pagbusikad sa bomba sa old Bangoy Airport ug sa pantalan sa Sasa niadtong 2000's nga nakapatay ug nakaangol sa daghan.

Di nato makalimtan ang pagbomba sa Night Market sa Roxas Avenue sa dihang mayor na si Inday Sara. Gipadayon ang iyang pamahayag nga "And even as our country faces a deadly pandemic, the dangers and threats of terrorism are still a reality. The presence of domestic and foreign terrorist threats in our country continues to undermine our peace and democracy even as we are in our most vulnerable state."

Mao kini ang nag-unang rason nganong nisuporta ang lokal nga kagamhanan sa Davao sa pagpasar sa maong balaodnon bisan pa sa nagkadako nga pagbabag niini sa grupo sa mga abogado, academe, civil society ug mga relihiyusong grupo.

Dugang pa sa mayor nga "It is our hope that with the passing of this bill, we can better protect the lives of the Filipino people from an enemy that does not have any regard for life, that only has death and destruction on their minds." Busa nanawagan si Mayor Duterte-Carpio sa tanan nga magbinantayon ug mosalmot sa pagtukod sa "kultura sa seguridad" sa syudad ug sa nasud.

Sulti pa sa taga-Malacañang nga posibleng pirmahan sa presidente ang ATB karong semanaha. Apan sa laing bahin ang nisupak nagsulti nga delikado ang maong balaod kay giyatakan niini ang Batakang Balaod ug ang trabaho sa hudikatura o hukom.

Apil sa misupak mao ang Integrated Bar of the Philippines, pipila ka Dean sa law school sa dagkong unibersidad, mga retiradong hukom, oposisyon ug ang militanteng grupo.

Usa sa dakong buruka mao ang probisyon sa bill nga ang Anti-Terrorism Council maoy motakda kung kinsa ang terorista ug mosugo nga modakop sa terorista ug dili ang hukom.

Ang lain pang isyu mao ang pagdakop nga way warrant of arrest sud sa 14 ka hangtod sa 24 ka adlaw nga dili mapasakaan og sumbong ingon pa ni kanhi Senior Associate Justice Antonio Carpio nga mora daw kini kaniadto sa panahon ni Marcos nga Arrest Search and Seizure Order nga gibasura sa Korte Suprema.

Hangyo sa mga reliheyusong grupo nga motabang sila'g panday sa anti-terrorism law kung gikinahanglan aron dili maabuso ang tawhanong katungod. Sinugdanan kaha kini sa pagkalumpag sa Duterte administration?

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph