GIILA nga "Modern Day Champion of Cooperative" si Misamis Oriental Governor Bambi Emano.
Ang plaque of recognition gitunol sa Department of Cooperative Authority (CDA)-Northern Mindanao pinangunahan ni Director Glenn Garcia atol sa virtual flag raising sa kapitolyo probinsyal adlawng Lunes, Hunyo 22, 2021.
Paabot ni Garcia nga pagrekognisar kini kang Emano gumikan sa walay puas nga suporta niini sa mga kooperatiba sa Misamis Oriental.
"His development approach of including the growth and viability of cooperatives has primary instruments for livelihood development resulted to implosive growth that democratized development in Misamis Oriental where most people in the province took parts as anchor rather than mere beneficiaries learning from the good governor as a modern day champion of cooperatives," matud ni Garcia.
Mapasalamaton sab si Emano sa maong pasidungog ug nipaabot nga dili kini personal kaniya apan pasidungog alang sa Misamis Oriental.
Gipasalig sab niini nga dili mohunong sa pagtabang sa mga kooperatiba.
"Thank you CDA for the honor and let me give you an assurance and let me say that I will never stop helping the cooperatives in MisOr as long as I am the governor as long as we have the availble funds we will not stop helping," pasalig ni Emano.
Dungan sab niini, gitunol sa kapitolyo ang kantidad alang sa duha ka kooperatiba gikan sa lungsod sa Opol Misamis Oriental nga mao ang Opol Women's Entrepreneurship Cooperative nga gitagaan og P100,000 ug Dampias Multi Purpose Cooperative nga midawat og P150,000.
Daw paagi kini ni Emano nga mahatag sa kooperatiba aron sa hinay hinay makarekober sa krisis nga hatud sa coronavirus disease.