SA MOKABAT 71 ka kumpirmadong kaso sa coronavirus disease (Covid-19) nga natala sa Northern Mindanao, 40 niini mao ang returning overseas Filipino (ROF) workers ug locally stranded individual (LSI), basi sa record sa Department of Health gikan Hunyo 21, 2020.
Sa maong gidaghanon, 12 niini ang taga Misamis Occidental, 7 ang Lanao del Norte, 6 ang Bukidnon, 5 ang Misamis Oriental, 7 sa Cagayan de Oro ug 4 niini gikan sa Iligan City.
Sa maong mga nagpositibo, walay natalang namatay ug hinoun 27 niini ang outpatient, 7 ang kasamtangan nga giadmit ug 6 sab ang nakarekober.
Sa uwahing press briefing sa Regional Task Force for Covid-19, giawhag ni Dr. Adriano Subaan ang lokal nga mga kagamhanan nga walaon ang mindset nga zero Covid case sa ilang mga lugar ug ipreparar ang ilang mga lugar nga makapasilitar ug maka areglar sa ilang mga residente labina ang ROF ug LSI.
"The best message is we really to take care of all Filipinos and that is the biggest badge of honor," matud ni Suba-an.
Samtang ang rehiyon nagtala sab og 1,536 ka mga suspek sa Covid kon diin sa maong gidaghanon, 1,441 niini ang nagnegatibo sa RT PCR test ug 94 niini ang nakabsan sa kinabuhi.