ANG Cebu City Health Department nitala og bag-ong 31 ka recoveries kun nangaayo na gikan sa coronavirus disease (Covid-19).
Kining tanan nagagikan sa Barangay Labangon, usa sa mga dapit sa dakbayan nga dunay taas nga mga kaso sa Covid-19.
Apan duna say bag-ong 30 ka mga kaso.
Kini nagagikan sa Mabolo (1), Mambaling (2), Pahina Central (1), Pardo (1), Pasil (2), Punta Princesa (2), Quiot (4), Sambag I (7), Sambag II (5), Suba (1), Tejero (1), Tinago (1) ug Tisa (2).
Duna say natala nga pito nga nangamatay, apan tulo niini niadto pang Mayo.
Kini nagagikan sa Basak San Nicolas (1), Duljo (1), Labangon (1), Mambaling (1), Tejero (1) ug Tisa (2). (BBT)