Lonzon: Hipos badlungon sa Covid-19

SI RETIRED General Roy Cimatu na ang gibutang ni Presidente Rodrigo Duterte sa kampanya batok sa Covid-19 sa siyudad sa Sugbo.

Hipos ug madisiplina gayud niini ang mga badlungon nga di motuman sa health protocol.

Sama sa pagsunod paggamit og face mask, social distancing, oras sa pagpatuman sa curfew ug uban pa. Mahitabo dinhi sa siyudad sa Sugbo, ang nahitabo didto sa Manila mismo mga frontliners nang reklamo.

Tungod sa ka istrekto posibling magbaklay ang katawhan pauli sa ilang panimalay, ug ang uban dili na makagawas sa probinsya gikan sa Cebu City kon mataymingan sa lockdown.

Didto sa Manila, dunay napusilan nga nag-motorsiklo kay wala motahud sa checkpoints.

Patas ang pag-apod-apod sa mga ayuda ngadto sa katawhan gikan sa lokal nga kagamhanan mahitabo sab dinhi sa ato.

Atong sugaton ang “kamay na bakal” nga pamaaagi! Way mapili natong tanan gikan sa mga dagko paingon na sa ubos nga mga way disiplina.

COVID SA BOLJOON

Saludo ko ni Mayor Merlou Derama sa lungsod sa Boljoon lalawigan sa Sugbo kay dunay political will.

Tiaw mo ba sa dihang pagkahibawo sa mayor nga dunay usa ka pasyente nga nahimong positibo sa Covid-19 wa gipapauli sa ilang balay.

Atol sa interview sa Agila, matod ni Derama, ang pasyente gidiretso sa isolation center sa Boljoon, gikan sa Vicente Sotto hospital.

Sakto ang lakang nga gihimo sa mayor pinaagi sa pagpatuman sa contact tracing ug pagpaubos sa driver sa ambulansya sa Covid-19 test.

Bisan pa ug nahimong positibo ang resulta gi-obserbahan ug naka quarantine.

Di angayang mabalaka ang katawhan sa Boljoon , kontrolado ang sitwasyon.

Basta mosunod lang sa mga lagda sama sa pag gamit sa face mask, social distancing ug mag alcohol, hugas sa kamot ug maligo. (Email: efrenlonzon71@gmail.com / Text: 09235562777)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph