ANG Department of Health (DOH) sa Martes, Hunyo 23, 2020, nitaho og 789 ka bag-ong mga kaso ug laing 361 ka late nga mga kaso sa coronavirus infections, nga nidala sa kinatibuk-an ngadto sa dul-an 32,000.
Ang dugang gidaghanon sa bag-ong mga kaso mao ang labing taas sukad ang DOH niila na sa kalainan sa bag-o ug daan nga mga kaso sa Mayo 29.
Ang preskong mga kaso mao ang test results nga gipagawas sa nakalabay nga tulo ka mga adlaw samtang ang late nga mga kaso mao kadtong gipagawas labing minos upat ka mga adlaw na ang nakalabay.
Ang kinatibuk-ang gidaghanon sa dugang mga infection sa alas 4 sa hapon sa Martes, moabot og 1,150. Kini nipatubo sa mga kaso sa Pilipinas ngadto sa 31, 825.
Ang DOH nitaho usab og dugang 299 ka dugang recoveries kun nangaulian, nga nidala sa gidaghanon sa mga nangaayo ngadto sa 8,442.
Duna say dugang nangamatay, nga nidala sa patay ngadto sa 1,186. Sa bag-ong mga kaso, 288 gikan sa Central Visayas, 207 gikan sa National Capital Region (NCR) ug 294 gikan sa ubang mga rehiyon.
Sa late nga mga kaso, 110 gikan sa NCR, 32 gikan sa Central Visayas ug 219 gikan sa ubang mga rehiyon. (MVI)