SUPERBALITA CEBU

Laing 10 ka pulis sa CCPO gi-Covid

NAPULO ka mga pulis ang nagpositibo sa novel coronavirus base sa gipahigayong reverse transcription polymerase chain reaction (RT-PCR) test sa Cebu City Police Office (CCPO) sa milabay nga semana.

Matod ni Police Colonel Cydric Earl Tamayo, officer-in-charge sa CCPO, ang 10 tipik sa 25 ka mga pulis nga gipailawom sa rapid test sa miaging semana.

Gipailawom ang 25 sa swab test aron pagkompirmar kon duna ba silay infection.

Ang 10 ka mga pulis gibutang na sa isolation center. Puro sila mga asymptomatic.

Samtang ang 15 ka mga pulis wa gihapon gipagawas kay giisip silang person under monitoring (PUM).

‘We are very strict now with regards sa health protocol. Kon naay mag positive namo, ang contact tracing namo ang tanan nga contact niya sa opisina gina-isolate namo dayon,” matod ni Tamayo.

Gipaubos sa lockdown ang ibabaw nga bahin sa CCPO sa miaging semana human ang 25 ka mga pulis nagpositibo sa rapid test.

“We are already on a proactive steps ba aron ma-suppress namo ang contamination between PNP personnel kay kon dili mi mag-inistrikto ana, mahurot mi ka positive,” pasabot ni Tamayo.

Dunay laing 14 ka mga pulis nga gi-isolate gihapon sud sa CCPO kay sila ang direct contact sa 25 ka mga pulis. Naa sila sa taas nga floor sa CCPO gibutang.

Wa pa sila mapailawom sa rapid ug swab test.

“We are awaiting with the advise from the DOH (Department of Health) kon i-rapid ba og usab ang 14 o i-swab na gyud kay kada adlaw man mi ginatawagan with our daily health condition,” butyag ni Tamayo.

Gipaneguro ni Tamayo nga bisan kon naigo sila ning krisis sa Covid-19, wa mabalda ang ilang trabaho kay nagpadala ang Police Regional Office (PRO) 7 og dugang mga personnel. (BBT)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph